Congregatio de Causis Sanctorum 571

VERAPOLITANA

Beatificationis et Canonizationis Servi Dei Zachariae a Sancta Theresia (in sae-

culo: Zachariae Salteráin Vizcarra) Sacerdotis Professi Ordinis Carmelitarum

Discalceatorum (1887-1957)

DECRETUM SUPER VIRTUTIBUS

« Sitivit anima mea ad Deum, Deum vivum: quando veniam et apparebo

ante faciem Dei? » ( Ps 42, 3)

Vehemens cum Deo communionis desiderium, ab antiquo Israel psalmista

cantatum, in Servi Dei Zachariae a Sancta Theresia, cui Zacharia Salteráin

Vizcarra saeculare nomen, spiritualitate resonat: tota illius vita plane fuit

progrediens in divinorum mysteriorum contemplationem immersio et con-

tinua Domini « faciei » exquisitio.

Dei Famulus die 5 mensis Novembris anno 1887 in oppido Abatiano,

provinciae Biscaiae inter Hispaniae fines, est ortus. Expletis primis studiis

in Durangensi Collegio, quod Patres e Societate Iesu regebant, anno 1903

Fratrum Carmelitarum Discalceatarum novitiatum est Larreae ingressus

ac religiosum nomen Zachariam a Sancta Theresia sumpsit. Bilbai, Novae

Victoriae et Pamplonae in philosophicas ac theologicas disciplinas incubuit.

Sollemni professione die 15 mensis Septembris anno 1907 nuncupata, studia

theologica perfecit Romae, ubi die 14 mensis Iulii anno 1912 sacerdotalem

ordinationem recepit.

Eodem anno in Indiam est missus. Postquam Bombayam pervenit, ad

Ernakulamensem conventum Sanctae Theresiae se contulit, ut malayalam,

linguam civitatis Keralae propriam, perdisceret. Quadraginta postea annos,

prius in Puthenpally, deinde in Alwaye, operam ad futuros presbyteros

efformandos, veluti Praefectus Studiorum, Moderator Spiritualis, Vicarius

Rectoris, Professor « Historiae antiquarum culturarum », Theologiae Dog-

maticae et Hinduismi, sane navavit.

Servus Dei vir fuit magna fide, pietatis spiritu ardentique zelo apostolico

praeditus. Existentiae fundamentum suae in Dei Verbo impensaque orationis

vita, alita erga SS. Eucharistiam et Mariam Virginem devotione, posuit.

In Dominum caritas illum ursit ut totus fratribus deserviret, praesertim

egentioribus opitulando, confessiones audiendo et humilioribus in Seminario