Congregatio de Causis Sanctorum 573

Flaviobrigensi, a die 3 mensis Decembris anno 1985 usque ad diem 10

mensis Februarii anno 1986, Processus Rogatorialis. Quorum iuridica vali-

ditas, Decreto diei 21 mensis Februarii anno 1992, ab hac Congregatione de

Causis Sanctorum est adprobata. Positione confecta, disceptatum est, iuxta

consuetudinem, an Servus Dei more heroum virtutes christianas exercuis-

set. Die 30 mensis Februarii anno 2013 Congressus Peculiaris Consultorum

Theologorum prospero cum exitu locum habuit. Patres Cardinales et Epis-

copi in Sessione Ordinaria diei 7 mensis Ianuarii anno 2014, cui egomet

ipse Angelus Cardinalis Amato praefui, professi sunt Servum Dei virtutes

theologales, cardinales iisque adnexas in modum heroum exercuisse.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno die

declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servi Dei Zachariae a

Sancta Theresia (in saec.: Zachariae Salteráin Vizcarra), Sacerdotis Professi

Ordinis Carmelitarum Discalceatorum, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 27 mensis Ianuarii a.D. 2014.

anGeluS card. amato, S.D.b. Praefectus

L. G S.

G marCelluS bartoluCCi Archiep. tit. Mevaniensis, a Secretis