574 Acta Apostolicae Sedis - Commentarium Officiale

SALTILLENSIS

Beatificationis et Canonizationis Servi Dei Iesu Mariae Echevarría y Aguirre Episcopi Saltillensis Fundatoris Instituti Sororum Catechistarum de Guadalupe (1858-1954)

DECRETUM SUPER VIRTUTIBUS

« Spiritus abnegationis signum firmum est, quod nos Iesum Christum,

hominem dolorum, amamus, et hunc spiritum per gratiam discimus et con-

ciliamus, cum cor eius interius perquirimus ».

Quae Servus Dei Iesus Maria Echavarría y Aguirre scripsit verba, eius-

dem speciem spiritualem efficaciter depingunt, quae summa et perfecta

mysterio crucis adhaesione conflatur.

Servus Dei die 6 mensis Iulii anno 1858 in vico vulgo dicto Regal de

San Pedro de Bacubirito in dicione Sinaloensi in Mexico natus est et paucis

post diebus ad baptismalem fontem regeneratus. Infantia, quam in satis

locupleti familia sua degit, summo virtutum spiritualium et mandatorum

religiosorum intellectu persignata est, licet iisdem annis patriam magna

rerum publicarum perturbatio foedaret et prima resonarent bucina dirae

contra christianos persecutionis. Suetum iter scholasticum perfecit atque

iam adulescentiae tempore vocationem ad vitam sacerdotalem percepit.

Duodeviginti igitur annos natus, Seminarium ingressus est et, post tempus

institutionis in oratione et studio transactum, die 28 mensis Octobris anno

1886 presbyteratu auctus est.

Interdum, seditionum excessus totum Mexicum magno cum incremento

saevitiarum et eversionis quassabant, quae usque in veram persecutionem

religiosam mox commutaverunt. Iuvenis sacerdos Iesus Maria tunc temporis

onera sive magistri apud Seminarium exercuit sive Administratoris Aposto-

lici dioecesis Sinaloensis sive dein eiusdem Seminarii Rectoris. Anno 1904,

Episcopus Saltillensis electus est et inde ab novi huius muneris initio cura

pastoralis eius peculiari cleri disciplinae sollicitudine emicuit. Servus Dei,

enim, omnibus et singulis sacerdotibus ipse consulebat et semper eorum in

legitimas necessitates se vigilem indulgentemque ostendit et de institutione

humana et spirituali maxime cavit.

Vultus eius dilectionem ac pacem Iesu Boni Pastoris humilitate ac suavi-

tate referti irradiabat, quod singulariter in visitationibus pastoralibus pandit,