Congregatio de Causis Sanctorum 575

quas etiam difficilibus in adiunctis historicis perseveravit. Divini Magistri

iugiter adhaerens exemplo, sollicitudinem institutionis eximiam suipsius

navitatem habuit. Proinde, scholas fundavit operam suam cum Fratribus

Scholarum Christianarum communicans et pro pueris iuvenibusque condidit

collegia, ex quibus institutis unum, Academiam scilicet Sancti Ioannis Bos-

co, pueris acerbioribus aerumnis laboratis precipue destinavit. Doctrinae

in dioecesi tradendae rationem sedulam tribuit ac subtilem, quam ad rem

benigno Instituti Sororum Catechistarum de Guadalupe gavisus est auxilio.

Episcopus Echavarría negotiis temporis sui omnino sese exhibuit in-

haesum et spe Christi incepta profectus illuminantem omnia, quae societas

mexicana paulatim iniret. Spiritualitas eius consilio vitae in servitium Dei

et proximi accommodatum iugiter innitebatur. Profundus in eo eminuerunt

spiritus orationis, virtutum exercitium perseverans, ardens erga passionem

Christi pietas et amor filialis Beatae Mariae Virginis fervidus. In rei publicae

et societatis patriae angustiis ob inconcussam eius fidelitatem erga Magiste-

rium Ecclesiae omnibus fuit cardo. Mysterii divini contemplationi funditus

devinctus, ad lumen Sacrae Scripturae voluntatem dominicam super vitam

suam et laboratum populi iter perspicere didicit. Eximium eius exemplum

mirae mansuetudini ingenitaeque humanitati morum constantique indulgen-

tiae urbanitatique et spiritui susceptionis iungebatur. Navae eius fuerunt

humilitas et patientia ac fretae, praesertim in periculi et confessionis hora.

Episcopus fuit summopere gregi presbyterisque suis deditus ac devotus.

Inclementia autem persecutionis eum perpulit, ut patriam bis protinus

desereret et apud Civitates Foederatas Americae Septentrionalis confugeret,

quod vero tamquam peculiaris passionum Christi Cruci affixi participado

suscipere valuit. In Mexicum reditus, dioecesim usque ad nonagesimum

expletum annum rexit. Saltilli, die 5 mensis Aprilis anno 1954, deosculato

Crucifixo, pie in Domino quievit.

Ob eius sanctitatis famam Causa Beatificationis et Canonizationis apud

Curiam Episcopalem Saltillensem inita est per celebrationem Inquisitionis

dioecesanae a die 12 mensis Februarii anno 1987 ad diem 19 mensis Augusti

anno 1995, cuius auctoritas et vis iuridica ab hac Congregatione de Causis

Sanctorum die 22 mensis Novembris anno 1995 probatae sunt. Positione con-

fecta, die 5 mensis Novembris anno 2010 in Congressu Peculiari Consultorum

Theologorum prospero cum exitu disceptatum est, iuxta consuetudinem, an

Servus Dei more heroum virtutes christianas exercuisset. Patres Cardinales