578 Acta Apostolicae Sedis - Commentarium Officiale

rant, cum septem liberis eorum. Hic contextus, animatus constanti deditione

vitae sacramentali ac orationi, favit maturitatem firmi animi et morum, sed

et simul docilis ingenii et fecit cor aptum ad semen religiosae vocationis a

Domino ipse messis datum accipiendum. Nam Sebastianus adulescens sem-

per studium aluit et auxit summa cum virtute vivendi et hic aër qui circa

eum erat popularis pietatis sed etiam disciplinae christianae ei profuit et

fructus bonum secundum divinam voluntatem Patris maturavit.

Per nonnullos annos Servus Dei inserviendum fuit familiae necessitati-

bus et ad agrorum opera se dedit, sed post quoddam tempus se contulit in

monasterium Augustinianum Sanctae Mariae vulgo de La Vid prope Bur-

gensem civitatem, circa annum 1900, et incepit iter formationis ad vitam

religiosam. Carens primis rudimentis ut inter candidatos ad sacerdotium

reciperetur, Sebastianus laicus frater acceptus est. Post temporis spatium,

quo ostendit se aptum esse ad vitam piam agendam, vestem Augustinianam

induit die 14 mensis Ianuarii 1904 et insequenti anno simplicem professionem

emisit. Ante oculos eorum qui ei praeerant et sodalium se praebuit virum

singularis industriae, perdiligentem et accuratum in excolendis muneribus

cotidianis, ita ut, omni sodalitate consentiente, die 15 mensis Decembris

anno 1907 sollemnem professionem emiserit. Quadam tempore post, frater

Sebastianus primum officium accepit: ostiarius monasterii Sanctae Mariae

de La Vid factus est, quod officium per totam vitam curavit. Hoc munus,

quamvis videretur modestum, erat tamen magni momenti in vita monaste-

rii cotidiana quia erat primus usus cum sodalitate religiosa, primus aditus

ad auxilium, solacium consiliumque accipiendum. Antistites eius sine ulla

dubitatione ei hoc munus commiserunt, bene cognita habentes propria eius

ingenii: magnam humanitatem, modestiam, alacritatem in alicui gratifican-

do, studium et maxime animum humile proprium Augustinianae pietatis

et expectationes eorum minime conciderunt. Ostendendo enim Servus Dei

humani animi dotes virtutesque religionis officium suum exercuit, semper

se accomodando toto corde ad necessitates multorum qui monasterii ostium

pulsabant.

Excepto brevi temporis spatio quo missus est in monasterium apud Gijón,

Servus Dei vixit semper sub umbra dulcis imaginis Virginis Matris de la Vid

vultu nigrae. Valuit iam inde a iuventute magno consilio, moderatione, animo

firmo, omni studio incubuit ad opus, praebuit prudentiam et probitatem.

Eius animi descriptio eminet distincta pietate, simplici et penitus insita,