Congregatio de Causis Sanctorum 579

cum effigie integre mariana. Semper, vixdum solutus a muneribus, rosarium

recitabat. Pia salutatione Matri Dei et Sanctissimo Sacramento diem ad

finem perducebat. Non occupatus in officiis suis vel in auxilio pauperibus,

Servus Dei in ecclesia monasterii se conferebat. Oratio erat fons praecipuus

a quo hauriebat vim ut iis quibuscum vivebat summo animi ardore interdiu

prodesset. Nam conscius se Christi discipulum Deo ipsi servire, totum se

dedere studebat. Frater Sebastianus vitam communem magnopere dilige-

bat quo modo Regula Sancti Augustini traditur et sodalicii concitator fuit.

Praesentia eius ac opera benevola in religioso sodalicio pacem suadebant.

Saepe ad Reconciliationis sacramentum accedebat, sciens vitae quae ad

summam tendit virtutem opus esse cotidie mores emendare.

Cuius ipsa mors ex opera caritatis est orta. Anno 1942 enim monaste-

rium moenibus excepit, in hospitum cubiculis, puellae quae excitandis ad

virtutem animis advenerant. Erat mensis December, hieme frigida, et frater

Sebastianus, pro earum bonum sollicitus, exit ad carbonem comparandum,

quamvis frigus esset et eius valetudo tenuis. Quod eius facto consecutum est

brevi occurruit et paulo post arteriae asperae pulmonumque inflammatio

Sebastianus temptatus est. Hic morbus ad huius vitae exitum eum incle-

menter adduxit, non prius tamen quam magna pietate sacramenta accepit.

Anno 1942, die sollemni Immaculatae Virginis, e vita excessit.

Ratione habita famae sanctitatis qua Servus Dei florebat iam vivus,

constitutum et Iudicium cognitionale dioecesanum apud Archidioecesim

Burgensem, quod die 17 mensis Iulii 1968 initium cepit et die 15 mensis

Octobris 1971 conclusum est. Decretum super validitate die 11 mensis Oc-

tobris 1991 datum est. Positione parata, actum est, actione consueta, num

Servus Dei in gradu heroico virtutes coluerit; ad quaestionem positam Con-

gressus Peculiaris Consultorum Theologorum positivum responsum dedit die

21 mensis Septembris 2012. Patres Cardinales et Episcopi qui die 4 Martii

2014 in Sessionem Ordinariam convenerant, me praesidente Angelo card.

Amato, ratum habuerunt Servum Dei virtutes theologales, cardinales easque

adnexas in gradu heroico coluisse.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iusti-