191

SEBENICENSIS

De Indulgentiis adnexis recitationi Parvi officii B. Mariae Virginis.

Postquam SSmus Dnus Noster Leo Papa X I I I ex Decreto Urbis et Orbis, per hanc S. Congñem Indulgentiis Sacrisque Reliquiis prae- positam edito sub die 17 Novembris 1887, ad ferventiorem in Chri- stiano populo fovendam pietatem ac devotionem erga Emam Vir- ginem, praeter i l las iam concessas a S. Pio V. alias impertitus est Indulgentias Christifidelibus recitantibus parvum officium B. M. Virginis, uti illud prostat in Breviario Romano ab eodem S. Pio V recognito et approbato, huic S. Congni sequentia dubia dirimenda proposita fuerunt:

I. An Christifideles recitantes officium parvum B. M. Virgi- nis, quod est precatio stricto sensu liturgica, in quodvis vulgare idioma versum, etiam cum approbatione ordinariorum, lucrentur Indulgentias a Summis Pontificibus adnexas recitationi eiusdem parvi Officii, uti innuere videntur plura decreta S. Congnis In- dulgentiarum, et illa praesertim edita sub die 30 Aprilis 1852, et sub die 29 Decembris 1864?

Et quatenus negative:

I I . An expediat, praefatas Indulgentias extendere etiam ad recitationem eiusdem parvi Officii in quodcumque vulgare idioma versi?

Porro s. Congregatio, re mature perpensa, auditoque unius ex consultoribus voto, rescribendum censuit :

Negative ad utrumque.

Datum Romae ex Secretaria eiusdem S. Congñis die 13 Septem- bris 1888.

S E R A P H I N U S C A R D . V A N N U T E L L I Praefectus L . S S.

A L E X A N D E R Episcopus Oensis Secretarius.

EX S. CONG. INDULGENTIARUM