246. De sancto Hieronymo.

1 a. Puer, natura nobilis.

Ingenio laudabilis,

Tendebat ad virtutem:

1 b. Cum literis se tradidit.

Serviles artes respuit

Aspirans ad salutem.

2 a. Dum vanorum libros legit.

Miro modo sed paterno

A Domino corripitur.

2 b. Quem subegit, hunc elegit.

Verbis, virga mentem fregit.

Culpa sic dimittitur.

3 a. Hic deserti vasta quaerens.

Vitam ibi artam gerens.

Carnem domans iugiter.

3 b. In gravibus laboribus

[Vivens] necnon ardoribus

Vicit hostes fortiter.

4 a. Via arta et vitalis

Huius fuit exemplaris,

In qua perfectus graditur:

4b. Haec est plena morum norma.

Haec est verae vitae forma,

Qua quis cum Christo pa-

titur.

5 a. Hic sic luxit hic scribendo.

Docens, legens, exponendo.

Quod nullos talem noscit;

5 b. Augustinus, egregius

Doctor, istud sublimius

In scriptis recognoscit.

6 a. Dum hic sacrum dogma

pandit

Et ad alta scriptis scandit,

Haereticus prosternitur ;

6 b. Dum hic pravum dogma

frangit,

Vi verborum pravos angit,

A lupo grex defenditur.

7 a. Hunc baptista singularem

Victu, vita sibi parem

Refert et in praemio.

7 b. Est uterque virgo, doctor,

Vita martyr, mundi victor,

Sed distantes gladio.

8 a. Sertis trinis laureatus

Fulget praeco, cum beatus

Bina dat Ieronymo;

8 b. Augustino revelavit

Haec baptista voce clara

In eius praeconio.

9 a. Quam permagna signa fecit,

Dum errantes vi deiecit

Defunctos tres resusci-

tans.

9 b. Qui occulta denudabant

Sicque fidem confirmabant,

Quod nullus mansit haesi-

tans.

10 a. Caecos, claudos et obsessos

Et diversis morbis pressos

Prece sua liberans,

10 b. Impugnatos hic protexit

Et ad vitam lapsos vexit

Pius pater miserans.

11a. Si de sanctitate morum

Scire vis et meritorum

Atque de eius gloria,

11b. Lege Augustini dicta

Vide et Cyrilli scripta,

Qui dat ei praeconia.

12 a. Ut a malis nos defendat,

Opem ferat et impendat

Prece apud Dominum,

12 b. Invocantes collaudemus

Et laudantes invocemus

Hunc sanctum Ieronymum.