388 EX ACTIS CONSISTORIALIBUS

interposita auctoritate sua, laboravit, quam in reconcilianda con- cordia, regnisque pacandis.

His rationibus caussisque maximis et sanctissimis in omni con- silio Nostro movemur, venerabiles fratres, hisque paremus. Quos- cumque tempora casus in vexer int, qualiacumque hominum vel iu - dicia futura sint vel acta, ad eamdem normam dirigetur omnis actio Nostra: ab hac via certum est non discedere. Ad extremum, de incolumitate pacis si mereri alia ratione non licuerit, certe per- severabimus ad Eum, nemine prohibente, confugere, qui potest vo- luntates hominum, unde vult , torquere, quo vult , inflectere: eni- xeque precabimur, ut depulso omni bellorum metu, ac debito re- rum ordine benignitate sua restituto, veris eisdemque stabilibus firmamentis Europa quiescat.

Ceterum, venerabiles fratres, priusquam veniamus ad novas Episcoporum cooptationes, adlecturi in perhonorificum Ordinem vestrum sumus tres viros, quorum non ignota vobis ornamenta animi: nimirum IOSEPHVM BENEDICTVM DVSMET ex Ordine Benedicti-

norum Cassinensium, Archiepiscopum Cataniensem, dignis Episcopo virtutibus, maximeque prudentia et caritate spectatum : IOSEPHVM D'ANNIBALE Episcopum Tit. Charystiensem, S. R. et U. Inquisi- tionis Assessorem, probitate, modestia, doctrinae copia clarum : ALOISI VM MACCHI Domus Nostrae Pontificalis Praepositum, morum integritate probatum, variisque muneribus atque honoribus nitide functum.

Quid vobis videtur?

Itaque auctoritate omnipontentis De i , sanctorum Apostolorum Petri et Pauli , ac Nostra, creamus et publicamus S. Ii. E. Car- dinales ex Ordine Presbyterorum

IOSEPHVM BENEDICTVM DVSMET

IOSEPHVM D'ANNIBALE

Ex Ordine Diaconorum

ALOISIVM MACCHI.

Cum dispensationibus, derogationibus, et clausulis necessariis et opportunis. In Nomine Patris et Fi l i i £G et Spiritus ffc Sancti. Amen.