LITTERAE 451

Sanctitatem ergo vestram, adprecor, ut iuxta hic complicatam Legem, in ultimo Moderatorum Reipublicae nostrae Conventu edi- tam, haec, quae postulo, beneficii gratiaeque causa concedat. Primo quidem ut universum Aequatoris orientale territorium in hosce quatuor Vicariatus dispescatur: 1. Napen. 2. Canelasen. et Macasen. 3. Mendesin. et Gualaquiran. 4. Zamoren.

Secundo autem ut, remanente duorum priorum cura, quemad- modum in praesenti, penes RR. P P . Jesuítas ac Dominicanos, ter- t ius Vicariatus, Scil. Mendesin et Gualaquiran. Patribus piae So- cietatis Salesianae a R. D. Bosco, cuius memoria in benedictione est, institutae ; et quartus scilicet Zamoren. RR. PP. Franciscalibus, qui recens ibi in urbe Loia stabile domicilium elegerunt, concre- dantur. Tertio ut, excepto Napensi, cuius RR. PP. Societatis Iesu •curam gerunt, reliqui tres Vicariatus S. Congregationi a Propa- ganda Fide proxime subiecti consistant, ac beneficis prudentibus- que ecclesiasticis legibus, quibus Sacrae Missiones tam excellenti Patrono subditae regi solent, prorsus obnoxii. Quarto denique ut Vicarii Apostolici munus in iis regionibus fungendum, Operariis Evangelicis dignitate Episcopali (quae procul dubio ob Sacerdota- lium charismatum, quibus fruitur, plenitudinem, Apostolico muneri potestatem tribuit, auctoritatemque, cui v ix obsisti potest) praeditis semper conferatur.

Equidem firmiter spero fore ut Sanctitas vestra expetitas gra- tias amplissime concedere dignetur: profecto enim haud renuet Sedes Apostolica ad Aequatoris regiones assiduam illam charitatem extendere, qua semper quidem, praesertim vero hisce nostris tem- poribus, omnes populos amplectitur, ut eos in Christianae fidei ad- mirabile lumen et humani cultus splendorem adducat.

Huiusmodi capta occasione, per honorifica laetitia afficior, hu- mile sanctitati vestrae venerationis meae speciatim tributum ex- hibendo, cautionemque ut catholicus Magistratus populi, qui item catholicus est, me nullam unquam rationem praetermissurum meam erga sanctam catholicam Ecclesiam filialem reverentiam patefa- ciendi, devotionemque, qua, Sanctissime Pater , mihi honori fortu- naeque tribuo me esse Sanctitatis Vestrae,

Quitoae : Ex Aedibus Reipublicae die 6 Octobris 1888.

Obedientissimus filius A. Flores

Franciscus S. Salazor.