L I M B U R G E N . 649

u Die 24 Aprilis .1885 coram sacerdote curato loci Bornheim cum urbe Francofurtensi ex decem circiter annis civil iter coniun- cti, comparuerunt Ioannes Schuh et Christina Wirtz , sponsi ca- tholici, rogantes, ut bannis rite proclamantur matrimonium, quod inire cuperent, utque deinceps ad formam catholicam foedere nu- ptiali iungerentur. Sponsus solutus existebat, sponsa vero die 1 Martii 1880 alii cuidam viro Henrico Müller coram magistratu ci- vi l i nupserat, quod matrimonium tamen sententia iudicis regii d. d. 12 Iunii 1884 ob adulterium viri quoad vinculum solutum fuit. - Henricus quippe die 18, Octobris 1882 Christinam deseruerat et una cum alia muliere soluta, cui nomen Lina Iacobi, eadem nempe quacum carnale commercium habuisse creditur, in Americam se- ptentrionalem se contulerat. - Quibus cognitis curatus Bornhei- mensis casum ad Curiam hanc Episcopalem detulit, ut resciret, utrum petitioni sponsorum Ioannis Schuh et Christinae Wir tz acquiescere, illosque bannis peractis matrimonio iungere licite pos- set, necne. Responsum porro habuit, id ante sententiam Ordinarii de statu soluto Christinae latam non licere. Dum vero de huius matrimonii validitate sive invaliditate curatum inter et Curiam hanc Episcopalem ageretur, Christina, sententia ecclesiastica haud expectata, cum Ioanne Schuh coram magistratu civili matrimonio sese coniunxit. Deinde curatum rursus adiit, petiitque, ut sibi permitteretur matrimonium cum Ioanne in facie quoque Ecclesiae contrahere, et ad Sacramenta poenitentiae et eucharistiae accedere. Rebus ita comparatis dubius haereo, quidnam hac in causa agen- dum. Disputatur enim iam longo ex tempore inter eruditos, an decretum Concilii Tridentini , matrimonia clandestina irritans in paroecia Francofurtensi et speciatim in pago Bornheim publicatum fuerit, neque huc usque quaestio haec summi momenti, peremptorio modo solvi potuit. Cum vero maxime nunc temporis, quo in Ger- mania matrimonium civile, quod vocant, introductum est, casus si- miles i l l i Christinae Wirtz non raro contingant, summopere desi- derandum est, ut suprema Ecclesiae auctoritate principia stabi- l iantur iuxta quae ab Ordinario procedi in causis huiusmodi ma- trimonialibus possit ac debeat.

Imprimis itaque animadvertendum est, prosequitur Antistes , paroeciam Francofurtensem una cum loco Bornheim usque ad ere- ctionem huius Dioecesis limburgensis ad archidioecesim moguntinam pertinuisse, urbem vero Frankfurt tamquam liberam civitatem imperii Germanici in politicis usque ad annum 1866 sui iuris fuisse. Exorta