672 LIMBURGEN.

D u b i a

I. An decretum Tridentinae Synodi Sess. X X I I cap. 1 De reform, matrim, clandestina matrimonia invalidans fideles Fran- cofurti degentes sive vi publicationis, sive vi observantiae diu- turnae obliget, ita ut matrimonia ibi, non servata forma Triden- tina, inter catholicos pro nullis habenda sint in casu.

I I . An decretum illud eadem ratione etiam sponsos catholi- cos locum Bornheim incolentes obstringat in casu.

Et quatenus affirmative ad utrumque. I I I . Quid agendum relate ad eos catholicos Francofurtenses

et Bornheimenses, qui antehac matrimonium clandestine contra- xerunt, et de validitate nihil dubitantes adhuc in eodem vivunt in casu.

Et quatenus negative ad utrumque l"m et 2 u m dubium vel alterutrum.

IV. An idem decretum ibidem publicandum sit absque ta- men praeiudicio validitatis matrimoniorum ab acatholicis inter se vel a catholicis cum protestantibus contrariorum in casu.

RESOLUTIO. Sacra Congreg. Concilii re cognita sub die 1.9 Ia- nuarii 1889 censuit respondere : Ad I. et IL constare fideles Frank- furti et Bomheim degentes, lege Tridentina, circa matrimonia clandestina teneri. Ad III. et IV. In voto consultoris.

Ex QUIBUS COLLIGES I. Nullo existente dubio de publicatione de- creti Tametsi in aliquo loco, ibidem nulla censenda esse matrimo- nia inter catholicos inita, nisi facta sint coram Parocho proprio et duobus testibus.

II . Legem hanc Tridentinam non ligare, in celebratione ma- trimoniorum, nisi utraque pars addicta sit religioni catholicae; id- eoque matrimonia mixta aut illa contracta a protestantibus inter se legi eiusmodi non subesse ; quia Concilium ad ea matrimonia decretum suum non extendit; Benedictus XIV Constit. Singulari nobis, et de Synodo dioec. lib. IV, cap. 6, n. 12.

III . Qua de re ad probandam matrimonii alicuius existentiam evincendum esse, dictum decretum Tametsi publicatum fuisse sive disertis verbis atque expresse, sive diuturna observantia apud ca- tholicos tamquam Tridentini decretum ; neque si quando observa- tum fuit, longo dein temporis intervallo in desuetudinem abiisse.

IV. Post declarationem S. C. C. ab Urbano VII I confirmatam