EX S. G. INQUISITIONIS 697

inclusas pectore prae se suspensas ferunt, Successoribus suis trans- mittendas curent , adeo ut post ipsorum mortem, (studio et opera Capituli Cathedralis, vel eius qui, vacante Sede, Episcopi vices gesserit) ad hos perveniant legitimo haereditatis iure. Quo pacto, novis Episcopis nulla erit necessitas alias non sine difficultate aliunde quaerere, sed omnes tanquam sibi et officio suo addictas et desti- natas in promptu paratas habebunt, ceteris qui sequentur suo tem- pore transmittendas.

Quod de Crucis dumtaxat reliquiis intelligendum est. Nam de thecis ex pretioso metallo in Crucis formam affabre factis, statuent quod opportunius videbitur: quae, cum dernptae fuerint ss. l igni particulae, donari, legari quibus placebit ac per privatos haeredes distrahi, vendi, remota quavis indecorae aut profanae negotiatio- nis specie, libere poterunt. Sunt enim pretio aestimabiles.

Non dubito, Illme Domine, quin huic aequissimo providentis- simi Pontificis desiderio ea qua par est cura et diligentia sis ob- sequuturus.

Interim, omnia Tibi a Deo et a Virgine Matre fausta ex in- timo corde adprecans, me tuis precibus praecipue commendo.

Amplitudinis Tuae, Romae, ex Aedibus Vicariatus, in Solemniis Annuntiationis

Deiparae, die 25 Martii 1889. Vti Frater

L. M. CARD. VICARIUS.

= r = ^ S S S ^ = = >

EX S. CONG. INDULGENTIARUM

RESCRIPTUM quo conceditur Indulgentia centum dierum, pro oratione ad gratiam implorandam servandae castitatis viris ecclesiasticis in saoris Ordinibus constitutis.

BEATISSIME PATER

Gaussens sacerdos Dioeceseos Burdigalensis ad pedes S. V. hu- militer provolutus expostulat, ut omnibus Ecclesiasticae militiae addictis et in sacris Ordinibus iam constitutis corde saltem contrito ac devote recitantibus subnexam Orationem aliquam Indulgentiam benigne concedere dignetur.