736

DECRETUM beatificationis seu declarationis martyrii Petri Aloisii Mariae Chanel Sacerdotis e Societate Mariae Pro-Vicari i apostolici Oceaniae occidentalis.

SUPER DUBIO

An, stante approbatione martyrii et causae martyrii, pluribus signis ac miraculis a Deo illustrati et confirmati, tuto procedi possit ad solemnem Venerabilis Servi Dei Beatificationem?

Magna et mirabilia omni tempore ab illo igne edita, quem Chri- stus venit mittere in terram ut accendatur, Deus ineffabili sua providentia in hoc quoque saeculo nequam ostendere dignatus est, in iis praecipue athletis , qui ipsius zelum zelantes , Evangelicae veritatis agnitionem ubique terrarum diffundere studuerunt. Inter hos quam maxime effulget venerabilis Dei servus Petrus Aloisius Maria Chanel, qui, seraphica caritate flagrans, in extremis Oceaniae plagis viam novam et viventem, quam Christus initiavit, populis in tenebris et in umbra mortis sedentibus annuntiare aggressus est. Is anno 1837 e Galliae litoribus ad insulam Futunae appulsus, i l l ius regionis oppida mirum in modum vitae sanctitate ac praedi- catione i l lustravit ; atque aerumnas, famem, ludibria hilari semper animo usque ad mortem pertulit, persecutoribus ipsius bonum pro malo reddens. Deus i taque, qui inter primos Evangeli i praecones pene toto orbe remotis i l l is gentibus Christianum nomen allaturos, hunc suum famulum praeelegerat, dignum eumdem effecit, qui eas- dem oras proprio sanguine , Oceaniae Protomartyr , consecraret ; praeclarum hoc fidei testimonium quamplurimis signis et prodigiis confirmaturus. Haec vero signa, una cum martyrio et causa mar- tyri i , triplici disceptatione ad trutinam de more revocata, per de- cretum Sacrae Rituum Congregationis die 26 Novembris anno su- periori Sanctissimus Dominus Noster Leo Papa X I I I suprema au- ctoritate Sua constare declaravit. Dubium vero adhuc discutiendum supererat , an hic venerabilis Dei servus inter Beatos tuto foret recensendus.

EX S. RITUUM CONGREGATIONE