Thomas Aquinas, In IV Sententiarum – In Libros Sententiarum

Quia, ut dicit Hieronymus de virginitate loquens, in carne praeter carnem vivere potius est vita angelica quam humana; et 1 Cor. 7, dicit Glossa, quod virginitas est portio angelica.

Cum igitur virginitati respondeat aureola, videtur quod Angelis debeatur.

Argumentum 2

Praeterea, nobilior est incorruptio spiritus quam incorruptio carnis. Sed in Angelis invenitur incorruptio spiritus, quia nunquam peccaverunt.

Ergo eis magis debetur aureola quam hominibus incorruptis carne, qui alias aliquando peccaverunt.

Argumentum 3

Praeterea, doctrinae debetur aureola. Sed Angeli nos docent purgando, illuminando et perficiendo, ut dionysius dicit.

Ergo eis debetur aureola saltem doctorum.

Sed Contra 1

Sed contra, 2 timoth., 2, 5: non coronabitur nisi qui legitime certaverit. Sed in Angelis non est pugna. Ergo nec eis aureola debetur.

Sed Contra 2

Praeterea, aureola non debetur actui qui per corpus non exercetur; unde amantibus virginitatem et martyrium et doctrinam, si exterius haec eis non insunt, aureola non debetur. Sed Angeli sunt incorporei.

Ergo aureolam non habent.