Acta Apostolicae Sedis - Commentarium Officiale408

ACTA TRIBUNALIUM

PAENITENTIARIA APOSTOLICA

URBIS ET ORBIS

Saeculo XX expleto postquam Sanctus Apostolus Paulus in terris ortus est,

speciales conceduntur Indulgentiae.

DECRETUM

Cum instet sollemnitas liturgica Principum Apostolorum, Summus Pon-

tifex, pastorali impulsus sollicitudine, in animo habet tempestive decernere

de spiritalibus aperiendis thesauris pro sanctificatione fı̀delium, ita ut ipsi

salutaria proposita semper quidem concipienda, vel maxime hac pia et

felici occasione innovent et roborent, in actum ferventissime deducenda

inde a primis vesperis memoratae sollemnitatis, praesertim in honorem

Apostoli Gentium, a cuius ortu in terris bismillesimus anniversarius dies

nunc propinquat.

Sane vero, Indulgentiarum donum, quod Romanus Pontifex universae

Ecclesiae praebet, optimae interiori purificationi summo gradu attingendae

viam sternit, quae scilicet Beato Paulo Apostolo honorem defert et superna-

turalem vitam in cordibus fidelium exaltat et ad fructus bonorum operum

gignendos suaviter impellit. Itaque haec Apostolica Paenitentiaria, cui Bea-

tissimus Pater commisit ut Decretum de Indulgentiis totum per spatium

Anni Paulini largiendis et acquirendis praepararet atque redigeret, per prae-

sens iuxta ipsius Augusti Pontificis mentem editum, gratias, quae in sequen-

tibus significantur, benigne dilargitur:

I. - Omnibus et singulis christifidelibus vere paenitentibus, qui, rite per

Sacramentum Paenitentiae expiati et Sacra Synaxi refecti, papalem Sancti