340. (3. ) Rhythmus de Domino nostro Iesu Christo.

1. 0 rex pie, o dux viae, Iesu Christe, optime, Nostrum chorum laudes morum Doce tibi promere.

2. Ut concordes mentis sordes Tua ope caelica Espurgemus et mundemus Cordis nostri intima.

3. Ut psallamus et vovamus Vota nostra pleniter, Spe sincera, vita vera Te colentes iugiter.

4. Tu, fons vitae manans rite In purgata pectora, Rigas mentem sitientem Sancta per charismata.

5. Tu solamen et levamen Pro te tribulantibus, Onus leve huius suave Bene laborantibus.

6. Flos virtutis, spes salutis, Honor ineffabilis, Pulchritudo, sanctitudo Est inaestimabilis:

7. Te sitire et te scire

Fac nos in hac nebula, Sic curramus, ut spernamus Mundi huius flamina,

8. Ut secure viae durae Linquamus pericula Et mox laete ac quiete Caeli dones praemia.