342. (5. ) Item Rhythmus de Monte Hohenburc.

(Appendix II).

1. Hunc ad montem vitae fontem Derivavit gratia, Ubertatis, castitatis Irrorans solacia.

2. Gaude laeta, canta sueta, Gaude, cohors virginum, Ordo cuius ornat huius Saecli domicilium.

3. Sacer cultus, simplex vultus, Casta mens et humilis, Amatori, servatori Christo est amabilis.

4. Cantus suavis, gestus gravis, Modus pudicitiae Eternalis absque malis Signa sunt laetitiae.

5. Regis natae sic ornatae Sunt ab intus singulae, Dant fimbrias tunc aureas Nunc absconsae gemmulae.

6. 0 spes certa, quae operta Licet sit in speculo, Sponsum Deum, regem verum, Videbitis oculo.