Acta Apostolicae Sedis - Commentarium Officiale318

II

NEPALIANUS

Novus conditur Vicariatus Apostolicus Nepalianus.

BENEDICTUS EPISCOPUS

servus servorum dei

ad perpetuam rei memoriam

Ad aptius consulendum spirituali Christifidelium bono necnon evangeli-

zationis operi in Nepalia, Congregatio pro Gentium Evangelizatione, re ma-

ture perpensa habitisque faventibus votis eorum quorum interest, censuit

Praefecturam Apostolicam Nepalianam ad gradum Vicariatus Apostolici esse

evehendam. Nos igitur, Qui gravissimo fungimur munere supremi Pastoris ac

Patris catholicae Ecclesiae, talem sententiam ratam habentes, summa, qua

fungimur, potestate novum Vicariatum Apostolicum Nepalianum constitui-

mus, quem concredimus sollicitis curis Societatis Iesu. Haec omnia perficien-

da committimus Venerabili Fratri Petro López, Archiepiscopo titulo Acro-

politano atque in memorata Natione Apostolico Nuntio, onere imposito

authenticum exemplar actus peractae exsecutionis Congregationi pro Gen-

tium Evangelizatione mittendi. Hanc denique Constitutionem Nostram nunc

et in posterum ratam esse volumus, contrariis quibuslibet rebus non obstan-

tibus. Datum Romae, apud S. Petrum, die decimo mensis Februarii, anno

Domini bis millesimo septimo, Pontificatus Nostri secundo.

Tharsicius card. Bertone

Secretarius Status

Ivan card. Dias

Congr. pro Gentium Evang. Praef.

Marcellus Rossetti, Protonot. Apost.

Franciscus Bruno, Protonot. Apost.

Loco e Plumbi

In Secret. Status tab., n. 54.776