Acta Apostolicae Sedis - Commentarium Officiale378

1945 apud Curiam Cordubensem in Argentina. Anno 1963 Congregatio edidit

decretum super revisione scriptorum. Apud eandem Curiam Cordubensem

inter annos 1963-1964 peractus est Processus Suppletivus Additionalis. Die

13 mensis Aprilis anno 1978 decretum super Causae Introductione est vulga-

tum. Deinde Causa commissa est Officio Historico-Hagiographico huius Con-

gregationis, cuius pensum elaboratum die 16 mensis Novembris anno 2004

examini subiectum est Consultorum Historicorum positivo cum exitu. Antea

tamen, nempe die 1 mensis Martii anno 2002 approbata erat validitas iuridica

Processuum Ordinariorum, Processus Suppletivi et Inquisitionis dioecesanae

Suppletivae. Die 3 mensis Februarii huius anni 2006, latis quidem suffragiis

positivis, habitus est Congressus Peculiaris Consultorum Theologorum. Pa-

tres Cardinales et Episcopi, in Sessione Ordinaria congregati die 17 sequentis

mensis Octobris, Ponente Causae Exc.mo D.no Petro Georgio Nesti, C.P.,

Archiepiscopo emerito Camerinensi-Sancti Severini in Piceno, agnoverunt

Servum Dei heroico in gradu theologalium, cardinalium eisque adnexarum

virtutum fastigium attigisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servi Dei Mamerti

Esquiú, ex Ordine Fratrum Minorum, Episcopi Cordubensis in Argentina, in

casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 16 mensis Decembris A. D. 2006.

Iosephus card. Saraiva Martins

Praefectus

L. e S. e Eduardus Nowak

archiep. tit. Lunensis, a Secretis