Congregatio de Causis Sanctorum 381

rata Positione, usitato more disceptatum est de virtutibus a Dei Servo exer-

citis. Die 22 mensis Novembris anno 2005, positivo cum exitu, actus est

Congressus Peculiaris Consultorum Theologorum. Die 20 mensis Iunii anno

2006 habita est Sessio Ordinaria Patrum Cardinalium et Episcoporum, qui,

audita relatione Ponentis Causam, Exc.mi D.ni Angeli Comastri, Archiepi-

scopi Praelati emeriti Lauretani, edixerunt Servum Dei in theologalibus,

cardinalibus eisque adnexis virtutibus exercendis heroicum attigisse fasti-

gium.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servi Dei Iosephi Olalli

Valdés, Religiosi professi ex Ordine Hospitalario Sancti Ioannis de Deo, in casu

et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, 16 mensis Decembris A. D. 2006.

Iosephus card. Saraiva Martins

Praefectus

L. e S. e Eduardus Nowak

archiep. tit. Lunensis, a Secretis

BURDIGALENSIS

Beatificationis et canonizationis Ven. Servae Dei Mariae Caelinae a Praesentatione

(in saec.: Ioannae Germanae Castang) monialis professae II Ordinis Sancti Fran-

cisci (1878-1897)

DECRETUM SUPER MIRACULO

Venerabilis Serva Dei Maria Caelina a Praesentatione (in saec.: Ioanna

Germana Castang), in pago, qui Nojals vulgo audit, in Gallia meridiana, die