Acta Francisci Pp. 1243

IV

Quibus Beatae Mariae Alfonsinae Danil Ghattas Sanctorum honores decer- nuntur.

FRANCISCUS EPISCOPUS

ServuS Servorum Dei

aD perpetuam rei memoriam

« Nihil per contentionem neque per inanem gloriam sed in humilitate supe- riores sibi invicem arbitrantes » ( Philip. 2, 3).

Beata Maria Alfonsina Danil Ghattas heroice humilitatem oboedientiam- que vixit, propter Iesu Christi eiusque Sanctissimae Matris amorem. Pulcher- rimus fuit fructus ex catholica Ecclesia Terrae Sanctae, cum ipsa floreret post Patriarchatum Hierosolymitanum Latinorum anno MDCCCXLI restitutum.

Ierusalem die IV mensis Octobris anno MDCCCXLIII ex Palaestinensibus parentibus orta est, catholicis et Virgini Mariae admodum devotis. Quinde- cim annos nata a patre licentiam obtinuit novitiatum ingrediendi Sororum a Sancto Ioseph Apparitionis, Ierusalem, quarum fuerat discipula. Anno MDCCCLXIII temporalia vota nuncupavit atque ei munus est commissum religio- nem docendi. Protinus insigni pietate solidaque fidei catholicae adhaesione eminuit. Immaculatae Conceptionis Fraternitatem pro iuvenibus condidit, quae posthac facta est Consociatio Filiarum Mariae et consociatio Matrum Christianarum, quae adhuc perstat. Quae experta est ea effecerunt ut ad ulteriora officia pararetur. Ab Epiphania Domini anno MDCCCLXVII mysticam vitam impense egit, compluribus evenientibus Deiparae apparitionibus, quas moderatoris spiritalis iussu suis in diariis narravit. Verum fuit martyrium amoris, quod ad vitae difficultates sustinendas eam paravit. Ut suis in diariis exstat, Virgo Maria ex ea quaesivit ut Congregationem Rosarii pro iuvenibus Arabis conderet. Etenim praecipua Marialis precatio assidue ab ea est retenta eamque ad novae institutionis labores paravit: nempe ad Con- gregationem Sororum Rosarii. Per Patriarchae Hierosolymitani Latinorum, Excellentissimi Domini Vincentii Bracco, sapiens prudensque consilium ac moderante Iosepho Tannous, presbytero cui ipsa cognoscendi causa commis- sa erat, anno MDCCCLXXX quinque iuvenes decreverunt ut se Domino dicarent novam Congregationem ingredientes. Anno tantum MDCCCLXXXIII, licentia a superioribus adepta, ipsa soror Alfonsina cum illis se coniungi potuit.