Acta Francisci Pp. 1245

aeque ac Patres Cardinales et Episcopi in Sessione Ordinaria die II mensis Decembris eiusdem anni coadunati. Nos Ipsi facultatem fecimus ut Congre- gatio de Causis Sanctorum Decretum super miro die VI mensis Decembris anno MMXIV ederet atque in Consistorio die XIV mensis Februarii anno MMXV decrevimus ut beatae Mariae Alfonsinae Danil Ghattas canonizatio die XVII mensis Maii anno MMXV celebraretur.

Hodie igitur in foro Petriano inter sacra hanc pronuntiavimus formulam: Ad honorem Sanctae et Individuae Trinitatis, ad exaltationem fidei ca-

tholicae et vitae christianae incrementum, auctoritate Domini nostri Iesu Christi, beatorum Apostolorum Petri et Pauli ac Nostra, matura delibera- tione praehabita et divina ope saepius implorata, ac de plurimorum Fra- trum Nostrorum consilio, Beatas Ioannam Aemiliam de Villenueve, Mariam Christinam ab Immaculata Conceptione, Mariam Alfonsinam Danil Ghattas et Mariam a Iesu Crucifixo Baouardy Sanctas esse decernimus et definimus, ac Sanctorum Catalogo adscribimus, statuentes eas in universa Ecclesia inter Sanctos pia devotione recoli debere. In nomine Patris et Filii et Spi- ritus Sancti.

Quae autem his Litteris decrevimus, nunc et in posterum rata et firma esse volumus, contrariis quibuslibet rebus minime obstantibus.

Datum Romae, apud Sanctum Petrum, die decimo septimo mensis Maii, anno Domini bismillesimo quinto decimo, Pontificatus Nostri tertio.

EGO FRANCISCUS

Catholicae Ecclesiae Episcopus

Marcellus Rossetti, Proton. Apost.

Loco G Plumbi

In Secret. Status tab., n. 69.818