Acta Francisci Pp. 1257

Fama martyrii omnium horum Dei Servorum inter populum Dei celeri-

ter diffusa, Processus Informativus inchoatus est in dioecesi Ilerdensi die X

mensis Martii anno MCMXLIX. Validitate iuridica per Decretum Congregationis

de Causis Sanctorum rata, huic causae principali adiunctae sunt tres aliae:

ex archidioecesi Matritensi, dioecesi Urgellensi et archidioecesi Caesarau-

gustana. Positione deinde parata, Consultores Theologi, in Congressione

Peculiari die XVII mensis Aprilis anno MMXII congregati, votum favorabile

protulerunt. Patres Cardinales et Episcopi, in Sessione Ordinaria die VII

mensis Maii anno MMXIII congregati, mortem Servorum Dei verum fuisse

martyrium censuerunt. Nos Ipsi die III mensis Iunii anno MMXIII mandavi-

mus ut Congregatio de Causis Sanctorum decretum super martyrio rite

promulgaret et statuimus inde ut beatificationis ritus Tarracone in Hispania

celebraretur die XIII mensis Octobris anno MMXIII.

Hodie igitur, Tarracone in Hispania, de mandato Nostro, Venerabilis

Frater Noster Angelus S.R.E. Cardinalis Amato, Praefectus Congregationis

de Causis Sanctorum, textum Litterarum Apostolicarum legit, quibus Nos

Servos Dei Chrysanthum González García, Aquilinum Baró Riera, Cyprianum

Iglesias et LXIII Socios, religiosos ex Instituto Fratrum Maristarum a Scho-

lis, necnon duos laicos, in Beatorum numerum adscribimus:

Nos vota Fratrum Nostrorum Iesu García Burillo, Episcopi Abulen-

sis, Alfonsi Milián Sorribas, Episcopi Barbastrensis-Montisonensis, Aloi-

sii S.R.E. Cardinalis Martínez Sistach, Archiepiscopi Barcinonensis, Ma-

rii Iceta Gavicagogeascoa, Episcopi Flaviobrigensis, Iosephi Emmanuelis

Lorca Planes, Episcopi Carthaginensis in Hispania, Antonii Angeli Algora

Hernando, Episcopi Civitatis Regalensis, Demetrii Fernández González,

Episcopi Cordubensis, Iosephi Mariae Yanguas Sanz, Episcopi Conchensis,

Raimundi del Hoyo López, Episcopi Giennensis, Ioannis Piris Frígola, Epis-

copi Illerdensis, Antonii Mariae S.R.E. Cardinalis Rouco Varela, Archiepisco-

pi Matritensis, Iesu Stephani Catalá Ibáñez, Episcopi Malacitani, Salvatoris

Giménez Valls, Episcopi Minoricensis, Attilani Rodríguez Martínez, Episcopi

Seguntini-Guadalaiarensis, Iacobi Pujol Balcells, Archiepiscopi Tarraconen-

sis, Iosephi Angeli Saiz Meneses, Episcopi Terrassensis, Caroli Emmanuelis Es-

cribano Subías, Episcopi Terulensis et Albarracinensis, Braulionis Rodríguez

Plaza, Archiepiscopi Toletani, Henrici Benavent Vidal, Episcopi Dertosensis,

Caroli Osoro Sierra, Archiepiscopi Valentini, necnon plurimorum aliorum