1248 Acta Apostolicae Sedis - Commentarium Officiale

Cum eiusdem sanctitatis fama increbruisset, Episcopus Cordubensis anno

MDCCLX Processum Informativum incepit, qui anno MDCCLXVI ad finem est

adductus. Anno MDCCLXXIII Processus Apostolicus inchatus est, sed propter

politicas socialesque difficultates ac bella retardatus est. Anno MCMXXXVIII

Causa rursus a sororibus fratribusque Instituti, quod ipse condiderat, agi

coepta est. Die VII mensis Novembris anno MM Consultores Historici favens

suffragium tulerunt atque die XII mensis Novembris anno MMXI eandem sen-

tentiam edixerunt Consultores Theologi. Patres Cardinales et Episcopi in

Sessione Ordinaria die XIX mensis Iunii anno MMXII coadunati de virtutibus

heroum in modum exercitis faventem sententiam tulerunt. Sic Summus Pon-

tifex Benedictus XVI facultatem fecit ut Congregatio de Causis Sanctorum

de hac re Decretum ederet. Ad beatificationem faciendam sanatio asserta

quaedam est exhibita, quam Medici Consultores eiusdem Congregationis die

XXIV mensis Februarii anno MMXI ad scientiam inexplicabilem iudicarunt.

Consultores Theologi die VI mensis Octobris anno MMXII eandem Venerabili

Dei Servo tribuerunt et Patres Cardinales et Episcopi in Sessione Ordinaria

die XVI mensis Octobris anno MMXII hanc sanationem verum miraculum iu-

dicarunt. Summus Pontifex Benedictus XVI die XX mensis Decembris anno

MMXII facultatem fecit ut Congregatio de Causis Sanctorum Decretum super

miro foras emitteret et statuit ut beatificationis ritus die VII mensis Aprilis

anno MMXIII Cordubae in Hispania celebraretur.

Hodie igitur de mandato Nostro Venerabilis Frater Noster Angelus S.R.E.

Cardinalis Amato, Congregationis de Causis Sanctorum Praefectus, textum

Litterarum Apostolicarum legit, quibus Nos in Beatorum numerum Vene-

rabilem Dei Servum Christophorum a Sancta Catharina adscribimus:

Nos, vota Fratris Nostri Demetrii Fernández González, Episcopi Cordu-

bensis, necnon plurimorum aliorum Fratrum in Episcopatu multorumque

christifidelium explentes, de Congregationis de Causis Sanctorum consulto,

auctoritate Nostra Apostolica facultatem facimus ut Venerabilis Servus Dei

Christophorus a Sancta Catharina (in saeculo: Christophorus Fernández

Valladolid), presbyter, fundator Congregationis et Nosocomii Iesu Nazareni,

qui caritate evangelica inflammatus servus infirmorum factus est, quibus

redemptricem testificatus est divinam erga dolentes dilectionem, Beati nomi-

ne in posterum appelletur, eiusque festum die vicesima quarta mensis Iulii,

qua in caelum natus est, in locis et modis iure statutis quotannis celebrari

possit. In nomine Patris et Filii et Spiritus Sancti.