1260 Acta Apostolicae Sedis - Commentarium Officiale

- Fortunatus Velasco Tobar et XIII Socii, e Congregatione Missionis;

- Ioachimus Jovaní Marín et XIV Socii, e Sodalitate Sacerdotum Ope-

rariorum Dioecesanorum Cordis Iesu;

- Richardus Gil Barcelón, presbyter professus e Congregatione Parvi

Operis a Divina Providentia, necnon Antonius Arrué Peiró, laicus;

- Iosepha Martínez Pérez et XI Sociae, e Congregatione Filiarum a

Caritate, necnon Dolores Broseta Bonet, laica;

qui in Hispania vicesimo saeculo sanguinem suum effuderunt ad testi-

monium perhibendum Domino Iesu, Beatorum nomine in posterum appel-

lentur, eorumque festum die sexta Novembris in locis et modis iure statutis

quotannis celebrari possit. In nomine Patris et Filii et Spiritus Sancti.

Nos autem, crudelem barbariem contra tot inclitos Ecclesiae filios deplo-

rantes, vehementer gavisi sumus de eorum caelesti gloria, quam meruerunt

humili ministerio fidelique testimonio usque ad vitae suae oblationem pro

Iesu Christo et fratribus in martyrio, quod sereno animo et vultu in caelum

converso ob odium catholicae fidei passi sunt. Quapropter nostrae aetatis

christifidelibus horum beatorum commendamus exemplum vitae Deo dicatae

atque sollicitudinis de iuvenibus in christianis virtutibus educandis.

Quae vero per has Litteras decrevimus et nunc et in posterum firma

esse volumus, rebus quibuslibet contrariis non obstantibus.

Datum Romae, apud Sanctum Petrum, sub anulo Piscatoris, die XIII

mensis Octobris, anno MMXIII, Pontificatus Nostri primo.

De mandato Summi Pontificis

loco Secretarii Status

c petruS parolin

Archiepiscopus tit. Aquipendiensis

Loco G Plumbi

In Secret. Status tab., n. 49.585