Acta Francisci Pp. 1261

III

Mariano Alcalá Pérez et XVIII Sociis Beatorum Martyrum honores decernuntur.

FRANCISCUS PP.

Ad perpetuam rei memoriam. - « Audemus autem et bonam voluntatem

habemus magis peregrinari a corpore et praesentes esse ad Dominum »

( 2 Cor 5, 8) .

Communis est omnibus martyribus sensus fiduciae quo mortem occur-

rant per summum actum caritatis, fidem christianam in vita quotidiana

manifestant atque constantem et radicatam unitatem cum Domino fovent.

Inter quos martyres sunt hi fortissimi viri, Ordinis B. Mariae Virginis

de Mercede sodales:

1. Pater Marianus Alcalá Pérez, filius Thomae Alcalá et Vincentiae

Pérez. Natus est Andorrae in archidioecesi Caesaraugustana die XI mensis

Maii anno MDCCCLXVII. Fuit unus ex primis iuvenibus qui ad antiquum Or-

dinem Beatae Mariae Virginis de Mercede Redemptionis Captivorum se

adiunxerunt et conventum in Olivar introierunt, ubi eo tempore inchoata

est restauratio Mercedariorum post terrorem per leges religioni aversas un-

devicesimo saeculo ortum; quibus legibus Ordo saecularis erat fere deletus

quandoquidem eo tempore solummodo circa XXX religiosos complectebatur.

Marianus Alcalá vestem Mercedariorum indutus est die XXIV mensis Septem-

bris anno MDCCCLXXXI et perpetuam professionem religiosam nuncupavit die

III mensis Iunii anno MDCCCLXXXVI. Studia confecit Romae et sacerdos ordina-

tus est die XXI mensis Decembris anno MDCCCLXXXIX. In Hispaniam reversus,

aliquos annos peregit apud varios suae provinciae conventus. Munere Patris

Provincialis functus est ab anno MCMIII usque ad diem III mensis Augusti anno

MCMXI, quo tempore Sancta Sedes eum nominavit Patrem Generalem Ordinis,

quod officium fecit usque ad diem XIV mensis Martii anni MCMXIV. Plusquam

viginti annos suum exercuit apostolatum inter fideles provinciae Aragoniae.

Die VIII mensis Martii anno MCMXXXVI se contulit ad Andorram, suam patriam,

quo celerius ex longo morbo convalescere posset necnon persecutionem ab

militibus eversoribus inflictam fugeret, sed, insectatione in Ecclesiam exorta,

mense Iulio repertus est, comprehensus et sclopeto interfectus die XV mensis

Septembris anno MCMXXXVI.