Cap. XXVI.

Haec inter malesuada fames, et prima malorum
Compulit a patriis vatem discedere terris,
Philistina petit rura, mox Gargara transit,
((760)) Abimelecha suo quae tum sub jure tenebat.
Incedens claro Dominum cum lumine vidit,
Urgentem dictis, adeat ne regna Canopi,
Sed teneat solum, Dominus quod praestitit, arvum.
Nam licet ignotos inter videare morari,
((765)) Attamen immensum genitor mansurus in orbem
Semine multiplici gaudebis crescere gentes,
0365B Testamenta mei sument quae maxima verbi.
Ilicet in Geraris socia cum conjuge degens,
Germanam potius paterne edisserit acta,
((770)) Ne commota levi cupidine turba Filisti,
Conjugium votis correptis tolleret armis.
At rex, dum patula lustrat secreta fenestra,
Ludentem nivea cernit cum conjuge vatem,
Connubiumque videns, cunctos sub lege coercet,
((775)) Ne sociam quisquam tentet raptare prophetae.
Jamque famem dudum patriis qui fugerat oris,
Horrea mollitae dum spargit credita terrae,
Centenos laeto carpsit de caespite fructus.
Nec minus interea placido ditescit in actu
((780)) Multimodas inter pecudes, terramque feracem.
Continuo infelix torquet dum pectora livor,
0365C Irriguos turbat puteos, atque aggere complet,
Ut procul abscedens possessor linqueret agros.
Evitans igitur tumidae discrimina rixae,
((785)) Discessit, mansitque diu convalle Gerarae,
Et cum sollicito puteus dimitteret actu,
Invenit gelidas scatebroso e fomite lymphas.
Exceptusque dolo pastorum deserit iras,
Inausosque locos Litis de nomine signat.
((790)) Promovet inde gradum, rursusque egesta profundo
Terra cavo gelidos in luce protulit amnes.
Et quia mordaci fuerat certamine trusus,
Compellat meritis liventia pectora dictis.
Ac postquam tetricas fregit pax aurea lites,
((795)) Nomen Abundantis studuit transcribere terrae.
0365D Dumque sagax mutat celeri nova gramina passu,
Devenit ad colles, quibus est Juratio nomen.
Illic perspicuo Dominum cum lumine cernit,
Tempore quo medio evolvunt sidera cursus,
((800)) 0366A Admonitus tristes e pectore trudere motus,
Invincto tutante Deo per bella, per hostes.
Exitus gelidos post somnum colligit artus,
Et venerans structa Dominum mox supplicat ara.
Interea reges veniunt Abimelus, et Ozas,
((805)) Ficolo comitante simul, ferrumque gerente,
Ut quia pacifico vellet se adjungere vati,
Necteret insertis concordia foedera dextris.
Excipitur placido, mensaque expletus eadem,
Optatam revehit posito discrimine pacem.