Congregatio de Causis Sanctorum 367

ACTA CONGREGATIONUM

CONGREGATIO DE CAUSIS SANCTORUM

TAURINENSIS

Beatificationis et canonizationis Servae Dei Margaritae Occhiena vid. Bosco ma-

trisfamilias (1788-1856)

DECRETUM SUPER VIRTUTIBUS

«Mulierem fortem quis inveniet? Longe super gemmas pretium eius...

Surrexerunt filii eius et beatissimam praedicaverunt » (Prv 31, 10.28).

Iam 150 anni abierunt ex quo tempore Margarita Occhiena suo in humili

cubiculo Augustae Taurinorum-Valdocco pie obdormivit. Eius mortem sin-

cero animo tum Salesiani tum iuvenes fleverunt, qui eam sicut matrem ama-

verant. Haec mulier ita illis se dedit ut choralem excitaverit eorum exclama-

tionem: « Sancta erat! ». Inter primos qui hoc dixerunt fuit eius Sanctus filius

nempe Ioannes Bosco, qui ita asserendo vincula excedebat sanguinis. Statim

non solum in Oratorii ambitu, sed etiam foris communis diffusa est opinio.

Serva Dei Margarita Occhiena in Capriglio, provincia in Astensi, die 1

mensis Aprilis anno 1788 orta est. Eodem natali die in ecclesia paroeciali

baptizata est. In terra natali usque ad matrimonium mansit, cum Francisco

Bosco celebratum, qui viduus factus erat, cum 27 aetatis annos ageret. Cum

illo in locum Becchi se contulit, quae fractio est oppidi Castelnuovo d'Asti.

Ob praematurum mariti obitum, Margarita sola tempore summae inopiae

familiam sustentare debuit. Domi excipiebat matrem Francisci, paralysi cor-

reptam et curis egentem; Antonium, filium ex primo Francisci matrimonio; et

suos duos filios, Iosephum et Ioannem, postea presbyterum.

Mulier fortis et sapiens, iusta et suis in consiliis firma, Margarita genus

vitae ducebat sobrium et temperans. Quoad christianam filiorum educatio-

nem severam se praebuit, mitem et rectam; ita crescere fecit tres pueros

indole valde diversos, quos nec aequavit nec coercuit.