Congregatio de Causis Sanctorum 397

ACTA CONGREGATIONUM

CONGREGATIO DE CAUSIS SANCTORUM

NEAPOLITANA

Beatificationis et Canonizationis Ven. Servae Dei Mariae Christinae a Sabaudia Utriusque Siciliae Reginae (1812-1836)

DECRETUM SUPER MIRACULO

Venerabilis Serva Dei Maria Christina a Sabaudia, Regina Utriusque

Siciliae, Calari nata est die 14 mensis Novembris anno 1812, e Victorio

Emmanuele I a Sabaudia et Maria Theresia Habsburgensi. Iam a pueritia

Sabauda in regia cum corde ad Deum constanter converso vixit, cupiens

voluntatem eius semper perficere. Die 21 mensis Novembris anno 1832

in Genuensi sanctuario Mariae Sanctissimae iuxta Aquam Sanctam Hastae

Veiturium, Ferdinando II Burdoniae, Regi Utriusque Siciliae nupsit. Neapoli,

quae ei nova patria erat, sapientia ac virtute Maria Christina Regi coniugi

semper adfuit. Constituit concordiam coniugum, in oratione perseveravit,

honestis moribus in principis domo favit, prudentiae ac temperantiae con-

stans exemplum praebuit. Magnis stipibus pauperibus auxiliandis largita

est, vero animo matris caritatis. Misericordi intercessione sua salutem pro

multis capitis damnatis obtinuit. Diu matris gaudiis desideratis, tum die 16

mensis Ianuarii anno 1836 heredem regni peperit. Die 31 eiusdem mensis,

sanguinis septico inquinamento post partum adfecta, pie in Dominum expi-

ravit, optimarum virtutum memoriam relinquens. Magna sanctitatis fama ac

singularitate prodigiorum anno 1852 Processus Informativus et anno 1859

Processus Apostolicus habitus est. Die 6 mensis Maii anno 1937 Summus

Pontifex Pius XI heroicas virtutes eius agnovit.

Beatificationis respectu, Causae Postulatio dominae Mariae Vallarino,

Ligustico oppido Varaginis natae, miram quondam e tumore mammarum

sanationem subiecit, quae in Dioecesi Genuensi anno 1866 evenit. Mulier