Congregatio de Causis Sanctorum 409

ROMANA

Beatificationis et Canonizationis Servi Dei Nicolai D'Onofrio Clerici professi ex Ordine Clericorum Regularium Ministrantium Infirmis (1943-1964)

DECRETUM SUPER VIRTUTIBUS

« Nam, quos praescivit, et praedestinavit conformes fieri imaginis Filii

eius, ut sit ipse primogenitus in multis fratribus » ( Rm 8, 29).

Servus Dei Nicolaus D'Onofrio die 24 mensis Martii anno 1943 in vico

Villamagna intra fines Archidioecesis Theatinae-Vastensis natus est e Ioanne

et Virginia Ferrara parentibus, qui locupletes agricolae erant, et insequenti

die 27 eiusdem mensis ad baptismalem fontem regeneratus est. Primae

Communioni die 8 mensis Iunii anno 1950 propinquavit et sacramentum

Confirmationis die 17 mensis Octobris anno 1953 recepit. Cum inde a pueritia

vocationem ad vitam religiosam et sacerdotalem iam perciperet atque Sancti

Camilli de Lellis conversationis morumque admodum attraheretur exemplo,

qui eius conterraneus erat, mense Octobris anno 1955 Alumnorum studentium

Domum Provinciae Romanae Clericorum Regularium Ministrantium Infirmis

ingressus est, in qua scholam secundariae institutionis ac gymnasii biennium

frequentavit. Die 6 mensis Octobris anno I960, annum novitiatus inivit et, die

7 mensis Octobris anno 1961, vota temporanea professus est et in numerum

Clericorum eiusdem Provinciae acceptus, ut studia superiora perseveraret.

Promptus hilarisque oreque semper iucunditate refertus ac protinus in

suipsius oblatione benignus, Nicolaus iuvenis erat corpore speciosus, decore

autem impenso admodum spirituali praeditus. In commentario suo diurno

scripsit: « Si aliquando, Iesu, sanctum habitum mihi, sicut et multis, erit

abiciendum, cura, quaeso, ut moriar, antequam primum sumam; nam, non

timeo nunc mori, quia in gratia tua sum ». Beatae Mariae Virginis singula-

riter devotus, Militiae Immaculatae sese adscripsit, cuius tertium honoris

gradum adeptus est seu dignitatem infinitae oblationis, consecrationis sci-

licet Mariae usque ad suipsius sacrificium.

Exeunte anno 1962, Servus Dei primordia animadvertere cepit morbi,

de quo diagnosis testiculorum inflammationis dicta est. Post brevem pro-

fectum, qui spem foverat ut valetudo aegroti prosperius fortasse procederet,

infirmitatis revocatio omnem revera salutis confidentiam exinanivit. Gra-