Cap. XLI.

Interea geminos jam tempora lapsa per annos,
Rursus ad Eoos torquebant sidera cursus,
((1190)) Somnia cum ductor vidit Niloticus ista.
Namque videbatur, fluvium dum spectat amoenum
0374C Corporibus nitidis septem spectare juvencas,
Tondentes viridi pupantia gramina ripa.
His alias turpes macies subjungere gressus,
((1195)) Dumque suis pigrae mirum! vix ossibus haerent,
Eximias patulo sorbebant ore juvencas.
Somnia junguntur paribus non dissona causis;
Ecce videt spicas foecundo e germine septem,
Atque alias tenues, et farris semine cassas
((1200)) Horrendum dictu! gravidas ceu mandere fruges.
Id visum moestus nequaquam mente coercet,
Sed trepidus cunctos, qui callent, affore jussit,
Disquirens, clausis quae sit sententia rebus.
Atque ubi consultus tacuit Memphiticus augur;
((1205)) Carcere qui dudum laxatus, vina praebebat,
Eloquitur juvenis, sese, pandente Josepho,
0374D Amisso rediisse loco, sociumque necatum.
Mittuntur propere, vatem qui crimine toto
Exutum, turpi celeres de fornice tollant,
((1210)) Informesque genas, et crines carcere pastos
Tondentes, prisca facerent revirescere forma.
Ergo probus dictis consultus talia reddit,
Atque docet, vaccas annorum nuncias esse,
Atque leves spicas septenos disserit orbes.
((1215)) 0375A Namque ita de gestis ventura insignia formis,
Ut septem foecunda satis sit terra per annos,
Atque famem diram parili cum tempore gignat:
Quis penitus tellus sitientibus arida venis
Pallida pulvereo consumat gramina sulco.
((1220)) Namque duplicibus junguntur somnia visis,
Certa Deus juncto mandat constare tonante.
Quin potius dum tempus adest, dum cura medendi est,
Elige de cunctis procerem, qui praescius horum,
Judicibus positis, totam sublimis Aegyptum
((1225)) Temperet, et quintas quacumque ex messe reposcat.
Ut quae prima datur foecundis copia terris,
Jus teneat steriles consumptis frugibus annos.
Accipitur plausu procerum sententia vatis.
0375B Ipse etiam tandem sedato pectore rector
((1230)) Vera renarrantem celso sublimat honore,
Praefectumque jubet totas se ferre per urbes,
Inde anulo digitum vatis fulgente coronat,
Byssina mox croceo circumdat pallia peplo,
Flexilis induitur per collum circulus auri,
((1235)) Atque novus rector curru sublimior exstat.
Clamosusque praeco terrorem judicis auget.
Quin etiam legitur conjux, cui nomen Asennes,
Quam genuit claro Petafras stemmate vates,
Ex qua confestim genitor fit pignore bino.
((1240)) Dicitur anterior Manasses, junior Ephrem.
Aegypti vatis suggestu nobilis alto,
Quidquid vix potuit jejunum assumere tempus,
Horrea plena tenens, ut cum res posceret uti,
0375C Proferret cunctis poscentibus abdita farra.
((1245)) Post ubi dira fames, totum diffusa per orbem,
Cogebat trepidos, poterat quod mandier, esse,
Conclamat populus, regemque efflagitat escas.
Ille jubet procerem moestis dare farra Josephum,
Parentem monitis, cunctosque explevit ovantes.