Acta Apostolicae Sedis - Commentarium Officiale368

Cum graviores decisiones capere tenebatur - uti fuit filii minoris amotio

a domo ad pacem in familia servandam atque educationem illi praeben-

dam - fide et spe nixa propensionibus favit filiorum, eos sustinens ut libe-

raliter studioseque crescerent. Cum amore Ioannem usque ad sacerdotium

comitatur, atque deinde, dilectam relinquens domum Becchi, eum inter iuve-

nes sequitur pauperes et derelictos Augustae Taurinorum. Hic decem per

annos (postremos scilicet vitae) Margarita, quin viribus parceret, filii missioni

sacerdotali incubuit atque exordiis eius operis. Prima est et praecipua Sale-

sianae operae socia; eius operosa caritas veluti materna exstitit inspiratio

praevisionis socialis; vera fuit Familiae Salesianae confundatrix, validum

conferens ad educandos sanctos filios adiumentum, quos inter recensentur

Dominicus Savio et Michaël Rua.

Litterarum expers, sed plena sapientia ipsa quae ex alto provenit, auxi-

lium praestat plurimis pauperibus viae pueris, derelictis filiis. Semper Deo

primum locum tribuit pro Eo paupertatis, precis et sacrificii vitam impen-

dens.

Aetatis 68 annorum nata, die 25 mensis Novembris anno 1856, in domum

Patris transit. Tanti pueri eam in coemeterium comitantur, quam deplorant

sicut propriam matrem.

Summatim ex gratia Dei atque virtutum exercitatione Margarita Occhie-

na heroica habita est mater, sapiens educatrix atque fautrix idonea nascentis

charismatis Salesiani. Cum mater Margarita persona simplex sit, pertinet

tamen ad nobilem illam familiam spiritalem, quae extraordinario splendet

in numero sanctarum matrum quae in conspectu Dei atque in Eo Ipso vi-

vunt, in communione silentiosis et quasi continuis invocationibus nutrita.

Saepe obliviscimur quaenam sint simplicia. Simplicior enim sententia

quam mater Margarita exemplo vitae exprimere pergit haec est: sanctitas

prope est, pro omnibus est, atque in fideli efficitur oboedientia erga peculia-

rem vocationem quam Dominus unicuique nostrum concredit.

Sanctitas, sicut Ioannes Paulus II Summus Pontifex scripsit, est « supe-

rior modus ordinariae vitae christianae » (Ep. Ap. Novo millennio ineunte, 31):

modus vitae cotidianae, quamvis extrinsecus humilis, uti est cumulus linteo-

rum quae Margarita reficiebat et suis in operosis diebus reparabat.

Mater Margarita edocet nos quod audacter possumus et debemus ad ex-

celsa tendere. Parva negotia cotidiana via sunt ad sanctitatem.

Inquisitio dioecesana Augustae Taurinorum anno 1995 fieri coepta est.

Acta ad Congregationem de Causis Sanctorum anno 1996 sunt allata. Positio