398 Acta Apostolicæ Sedis - Commentarium Officiale

enim mense Iunio illius anni morbum in dextera mammarum parte invenit.

Illa consilio suae dominae Marchionissae Antoniae Carrega, curis duorum

Genuensium clarissimorum medicorum adhibita est, qui diligenter eam vi-

sitaverunt, morbi progresso per menses duos perscrutato, dextero in sinu

scirrum secundo gradu severitatis et incipientem tumorem altero in sinu

invenerunt, qua re morbi infaustum praeiudicium quoad vitam ediderunt.

Reiecta tumoris resectione, quae autem unica cura videbatur etsi non

certo exitu, Maria Vallarino sola oratione fulta est. Parvam reliquiam ex

indumentis Venerabilis Mariae Christinae a Sabaudia assecuta est, cuius

partem fide obsorbuit, eodem tempore, hanc invocationem pronuntians:

« Iesu, heu! bone Iesu, glorifica hanc servam tuam ». Statim malum regredien-

tem percipit. Medicus, qui curis praeerat, exacta hebdomada, absolutam

sanationem recognovit. Maria Vallarino ulterius per undequadraginta annos

vixit sine ulla morbi renovatione, sicut et sex ab inspectione periti, ab anno

1870 ad annum 1887, iteratis in examinibus exploraverunt. Mirae sanationis

documenta a principio Apostolico Servae Dei in Processu super sanctitate

vitae, virtutibus, supernis donis, miraculis in specie et fama in genere ab

anno 1869 ad annum 1871 collecta sunt. Deinde ab anno 1872 ad annum

1877 Processus Apostolicus super miro constitutus est denique ab anno 1886

ad annum 1888 Addictionalis Processus Apostolicus secutus. Vis iuridica et

auctoritas Processuum Apostolici et Apostolici Addictionalis agnitae sunt

a Congregatione de Causis Sanctorum decreto diei 30 mensis Novembris

2007; Sessio Consilii Medici habita est die 29 mensis Octobris anno 2009;

Congressus autem Consultorum Theologorum auctus est die 26 mensis Maii

anno 2012. Patres Cardinales et Episcopi in Sessione Ordinaria congregati

sunt die 9 mensis Aprilis anno 2013, me praesidente Angelo Card. Amato.

Et in utroque Coetu, sive Consultorum sive Cardinalium et Episcoporum,

posito dubio an de miraculo divinitus patrato constaret, responsum affir-

mativum prolatum est.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno die

declaravit: Constare de miraculo a Deo patrato per intercessionem Venera-

bilis Servae Dei Mariae Christinae a Sabaudia, Utriusque Siciliae Reginae,

videlicet de celeri, perfecta ac constanti sanatione dominae Mariae Vallarino