Congregatio de Causis Sanctorum 369

super virtutibus anno 2000 est tradita, cuius eodem anno examen cunctis

suffragiis Peritorum in re historica expletum est. Die 26 mensis Maii anno

2006 Congressus Peculiaris Consultorum Theologorum de heroicis virtutibus

suam tulit unanimem approbationem. Patres tandem Cardinales et Episcopi,

in Sessione Ordinaria die 17 mensis Octobris eiusdem anni congregati - Po-

nente Causae Excellentissimo Domino Salvatore Boccaccio, Episcopo Frusi-

natensi-Verulano-Ferentino - edixerunt Servam Dei virtutes theologales,

cardinales iisque adnexas heroicum in modum exercuisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servae Dei Margaritae

Occhiena viduae Bosco, Matrisfamilias, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 23 mensis Octobris A. D. 2006.

Iosephus card. Saraiva Martins

Praefectus

L. e S. e Eduardus Nowak

archiep. tit. Lunensis, a Secretis

ALBAE REGALENSIS

Beatificationis et canonizationis Servi Dei Stephani Kaszap Candidati Societatis

Iesu (1916-1935)

DECRETUM SUPER VIRTUTIBUS

« Qui sinit Christum in propriam ingredi vitam, nihil amittit, nihil omnino

ex iis quae liberam, pulchram magnamque efficiunt vitam. Nihil! Hac in sola

amicitia patent portae vitae. Hac in sola amicitia ingentes potentiae reseran-