Acta Apostolicae Sedis - Commentarium Officiale370

tur humanae condicionis. Hac in sola amicitia experiri possumus quidnam

pulchrum, quidnam liberans sit » (Benedictus XVI, Ex homilia in inaugura-

tione ministerii Supremi Pastoris, die 24 mensis Aprilis anno 2005: AAS,

XCVII [2005], 712).

Amicitia erga Christum illustravit et aluit spiritualem maturitatem iuve-

nis Servi Dei Stephani Kaszap, qui divinum Magistrum gaudenter secutus est

et adiutrici sua opera ad incrementum eius Regni efficaciter contulit, Evan-

gelium alacri ac dedito animo adimplendo, et viam crucis amanter percur-

rendo, quae brevi tempore duxit eum ad Domini vultum in caelo contuen-

dum. Itaque huic iuveni, qui amicus fuit Iesu, referri potest effatum libri

Sapientiae: « Consummatus in brevi explevit tempora multa; placita enim

erat Deo anima illius, propter hoc properavit educere illum de medio iniqui-

tatis » (Sap 4, 13-14).

Servus Dei in Hungaria natus est, in urbe Székesfehérvár, vetere Alba

Iulia, die 25 mensis Martii anno 1916 ab Aloisio Kaszap et Rosa Winkler,

parentibus alta fide christiana morumque integritate praeditis. Eodem die

natali baptismali aqua ablutus est; anno 1925 primo accessit ad eucharisti-

cum Convivium et anno 1929 Confirmationis chrismate est insignitus. Firma

voluntate et divinae gratiae auxilio suffultus, vehemens ingenium suum con-

tinere potuit. Erat quoque amabilis, benignus, simplex, et pauperum neces-

sitatibus facile trahebatur. Super hoc fundamentum paulatim in dies mirum

construxit spirituale aedificium. Familia, magistri et associationes catholicae,

quarum ipsemet partes habuit, ad eius humanam et christianam institutio-

nem efficaciter contulerunt. Elementariis studiis expletis, alumnus exstitit

apud Patres Cistercienses annis 1926-1934 sua in terra natali. Hoc tempore

nomen dedit coetui iuvenum exploratorum et Congregationi Marianae. In-

signis athleta multiplicem exitum adeptus est in ludicris exercitationibus.

Praecipuos tamen exitus obtinuit Christum sequendo et virtutes excolendo,

de quibus, inde a septimo gymnasii cursu, summo studio, constantia et gau-

dio curam adhibuit. Certavit adversus tentationes, mediocritatem, gulam,

curiositatem, verecundiam ob fidem profitendam. Divinae gratiae obtempe-

rans, severus se gessit in tempore utendo, studiis intentus, tenax in proposi-

tis, in familiaribus scholasticis et religiosis muneribus conscius, assiduus in

suiipsius dominio, mitis, modestus, illibatus et pudicus tam in verbis quam in

modo sese gerendi. Spiritus eius religiosus integer exstitit et profundus.

Inde ab infantia Servus Dei sive in templo, sive in familia, sive in seipso

libenter precabatur. Eucharisticae celebrationi acolythus inserviebat, saepe