400 Acta Apostolicæ Sedis - Commentarium Officiale

ADRIENSIS - RHODIGIENSIS

Beatificationis et Canonizationis Ven. Servae Dei Mariae Bolognesi Cristifedelis

Laicae (1924-1980)

DECRETUM SUPER MIRACULO

Venerabilis Serva Dei Maria Bolognesi die 21 mensis Octobris anno

1924 in pago nominato Bosaro non longe a Rhodigio nata est. Ob rerum

domesticarum nimiam egestatem, familiae et maxime ipsius Mariae vita in

miseriis et morbis versata est. Iam ab adulescentia, parentes toto corde

adiuvans, opus rusticum et fratrum institutionem praestare gravi officio

voluit. Animo forti ac generoso, Venerabilis Serva Dei, non solum puerorum

parvulam multitudinem, quae a matribus arva colentibus ei commissa erat,

humaniter custodiebat, sed etiam ministerio in pauperiores, in aegrotos et

in derelictos se libenter tradidit. Christum dolentem semper secum medi-

tans, Maria singularem participationem cum Domini Passione vixit. Christi

Patientis visionis tantum fructum percepit ut ipsius Christi praesentiam in

innumeris humanis doloris occasione agnosceret, quibus semper amore et

summa deditione servire voluit usque ad vitae suae extremum diem, om-

nibus quasi et soror et mater benevola. Venerabilis Serva Dei cum Christo

ut sponsale conubium vixit, quod eam duxit ad vitam offerre pro ipsius

Ecclesiae bono et praecipue pro sacerdotum sanctificatione. Eius vehemens

opera caritatis gradatim se remittere debuit propter multos morbos ingra-

vescentes, quibus per totam vitam laboravit et, neglectis ingratis animis,

inimicitiis et invidiis, quibus valde cruciata est quamquam plurimis infirmi-

tatibus et morbis afflicta, generose et per laetitiam vixit, usque ad noctem

diei 30 mensis Ianuarii anno 1980 Rodigio, qua Venerabilis Serva Dei e vita

excessit. Summus Pontifex Benedictus XVI die 10 mensis Maii anno 2012

heroicas virtutes eius agnovit.

Beatificationis respectu, Causae Postulatio iudicio istius Congregationis

de Causis Sanctorum miram quandam pueri sanationem subiecit, qui hieme

inter annum 1993 et 1994, secundum annum et tres menses vitae agens,

post curationem comunis influentiae, adfectus est acerbissimo morbo epi-

dermidis necrosis, qui etiam Lyell dicitur, cum pustularum cutis damnis,

quae brevi tempore attulerunt avulsionem epidermidis usque ad dermam

laedensque etiam tunicam mucosam, qua re magna fuit umorum amissio,