Congregatio de Causis Sanctorum 401

sicut in ustionibus. In valetudinario receptus, puer ingravescere coepit, et

quamquam medici omnibus curationibus et praesidiis adhibuissent quibus

illo tempore cognoscebantur, paucis diebus puer ad limina vitae pervenit.

Die 2 mensis Februarii eius cor constitit. Praedictio quoad ad vitam per-

tineret necessario infausta habebatur. Medici tamen tanto studio puerum

therapeuticis auxiliis in vitam revocare conati sunt ut post duas horas cor

rursus et praeter expectationem micare coeperit. Non consecutus est status

vitae vegetativae, quae post tam diuturnum cordis immobilitatis tempus

expectanda videbatur, paucis diebus puer coepit cito convalescere et brevi

tempore vita omniun frui potuit.

Cum avia paterna de pueri morbi gravitate certior facta esset, orare vo-

luit ad sanationem nepotis petendam. Fortuito invenit imaginem Venerabilis

Servae Dei Mariae Bolognesi in qua agnovit mulierem, quae aliquot menses

antea per somnium conlocuta est plurima verba confirmationis proferens.

Avia ergo magna fide ad Venerabilem Servam Dei orationem direxit pue-

rique parentes in supplicatione secum trahens. Illa oratio in idem tempus

evenit quo puer valetudine meliore frui coepit.

Evidens est concursus temporis et consequentia inter Venerabilis Servae

Dei invocationem et pueri sanationem, qui deinceps naturali socialique vita

usus est nullo morbo affecta.

De sanatione, mira aestimata, iuxta Curiam Patavinam a die 23 mensis

Septembris 2004 ad diem 13 mensis Decembris 2005 celebrata est Inqui-

sitio dioecesana, cuius iuridica validitas ab hac Congregatione de Causis

Sanctorum per Decretum diei 18 mensis Maii anno 2007 approbata. Consi-

lium Medicorum huius Dicasterii in sessione diei 5 mensis Iulii anno 2012

declaravit sanationem, celerem, perfectam, constantem et ex scientiae legi-

bus inexplicabilem fuisse. Die 17 mensis Novembris anno 2012 Congressus

Peculiaris auctus est Consultorum Theologorum. Die 9 mensis Aprilis anno

2013 in Sessione Ordinaria se congregaverunt Patres Cardinales et Episcopi,

me Angelo Card. Amato praesidente, et in utroque Coetu, sive Consultorum

sive Cardinalium et Episcoporum, posito dubio an de miraculo divinitus

patrato constaret, responsum affirmativum prolatum est.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Ven.