NEAPOLITANA

Beatificationis et canonizationis Servi Dei Salvatoris Micalizzi Sacerdotis e Con-

gregatione Missionis (1856-1937)

DECRETUM SUPER VIRTUTIBUS

« Evangelizare pauperibus misit me » (Lc 4, 18).

Haec Iesu verba, quae sententiolam constituerunt Congregationis Missio-

nis, plane exprimunt missionale charisma quod Sanctus Vincentius de Paul

filiis suis tradidit, quaeque Servus Dei Salvator Micalizzi incarnavit in innu-

meris missionibus ad populum, quas summa pastorali efficientia praedicavit.

Vita huius presbyteri in operam inseritur, quam in urbe Neapoli et in Italia

Meridionali inde ab exordiis suae praesentiae, anno 1668, Congregatio Mis-

sionis explicabat.

Servus Dei die 5 mensis Novembris anno 1856 Neapoli natus est a paren-

tibus Vincentio Micalizzi et Elisabeth De Martino. Familia haec, quamquam

copiosis opibus fruebatur, post obitum patris, immo magis post mortem

matris in paupertatem incidit. Iuvenis Salvator, qui iam sacerdotium affec-

tabat, studia intermisit ac se dedit operibus fabrilibus ut suos fratres minores

sustentaret. Quamvis infirma valetudine et operis defatigatione, vocationem

colere perrexit et spiritualem institutionem, a Servo Dei Paschale Attardi

Sacerdote manuductus. Servus Dei uti alumnus externus seminarii ad sacer-

dotium se paravit, et die 23 mensis Septembris anno 1882 sacro auctus est

presbyteratus ordine, Neapolitana in Archidioecesi, attamen desiderio flagra-

bat ingrediendi Congregationem Missionis ut praedicationi et cleri institutio-

ni incumberet. Sic, anno 1884 inter filios Sancti Vincentii de Paul se coopta-

vit, in Domo Virginum quam vocant, ipsa in urbe Neapolitana. Anno 1886

temporaria ac deinde perpetua nuncupavit vota. Statim destinatus est ad

spiritualem ferendam formationem clericis externis, eis scilicet qui extra se-

minarii convictum ad presbyteratus ordinem sese parabant.

Verus Conditoris Congregationis suae discipulus, indefatigabili animo

evangelium nuntiavit in Campania, Apulia, Lucania, Calabria et Sicilia, con-

tiones habens ad populum et exercitia spiritualia ad sacerdotes, religiosos

sive viros sive mulieres. Ubique diffudit lumen et caritatem Christi, Panem

Congregatio de Causis Sanctorum 373