Congregatio de Causis Sanctorum 403

EBORENSIS

Beatificationis et Canonizationis Servae Dei Mariae Isabellae a Sanctissima Tri-

nitate (in saeculo: Mariae Isabellae Picão Caldeira Carneiro) Fundatricis Congre-

gationis Sororum Conceptionistarum ad Pauperes Sublevandos («ao serviço dos

Pobres») (1889-1962)

DECRETUM SUPER VIRTUTIBUS

« Consumpsit me, Domine, sollicitudo mandatorum tuorum et pro pau-

peribus pauperem fecit me ».

Amor Dei et erga proximum caritas duplex flamma fuit, quae cor Ser-

vae Dei Mariae Isabellae a Sanctissima Trinitate exarsit et eam in Christi

pauperis imitatione atque in vero pauperum servitio perfecit.

Maria Isabella Picão Caldeira in vico Alba Sanctae Eulaliae in Lusita-

nia die 1 mensis Februarii anno 1889 nata est e parentibus boni ordinis

catholica fide funditus informatis et die 3 insequentis mensis Martii ad

baptimalem fontem regenerata est. Bona institutione recepta, die 20 mensis

Martii anno 1912 Ioannem Pires Carneiro matrimonio secum iunxit, quem

autem vix post biennium gravis corripuit infirmitas. Maria Isabella autem

eidem assedit adusque mortem, quae die 17 mensis Iunii anno l922 occurrit.

Viro proleque orbata, Serva Dei fidem prensavit, a qua ad infausta sua

haec ferret responsum. Animum suum igitur Archiepiscopo Eborensi, Excel-

lentissimo ac Reverendissimo Domino Emmanueli Mendes da Conceição

Santos, in sacramentali confessione aperuit et gratia Dei exinde eam per

impetum beneficientiae ad excelsa nova provexit. Inter annos 1923 et 1934

Maria Isabella doctrinae christianae tradendae, senibus infirmisque visitan-

dis atque orphanis viduisque fovendis omni studio vacavit, quibus subsidio

ac consolationis verbo iugiter profuit. Brevi apud moniales Sancti Domi-

nici de Azurara spatio interiecto vitae contemplationi deditae, quam vero

infirmae valetudinis causa reposuit, Deus evidentius voluntatis suae eidem

mense Martii anno 1936 patefecit recondita, cum Archiepiscopus Eborensis

eam rogavit, ut in civitate Alba Domum pro recessibus curaret. Hic Maria

Isabella ad propositum novi Instituti religiosi pro puerorum pauperumque

bono ineundi aggressa est. Proinde, mense Octobris anno 1939 Serva Dei

apud Conventum, qui fuerat Clarissarum Albae, Congregationem condidit