EX VATICANO

61

L I T T E R A E SANCTISSIMI PATRIS AD EMINENTISSIMOS S. R. E. CARDINALES

DATAS DIE X X I X SEPTEMB. MDCCCLXX DE SACRILEGA URBIS INVASIONE.

PIUS PP. IX

Dilecti Filii, Salutem et Apostolicam Benedictionem.

« Dominus Noster Iesus Christus qui humiliat et sublevat, mortificat et vivificat ( 1 ) , flagellat et salvat (2), permisit nuper ut haec romana urbs Supremi Pontificatus Sedes in hostiles ma- nus incideret una cum reliqua illa parte ecclesiasticae ditionis, quam inimici ipsi aliquandiu ab usurpatione immunem relinquen- dam censuerant. Paternae Nos caritatis affectu adducti erga di- lectos Filios Nostros S. R. E. Cardinales, ac in Ipsis cooperatores huius supremi Nostri Apostolatus respicientes, constituimus hodie in luctu et moerore Nostro Eisdem declarare, uti officii Nostr ratio postulat, et ipsa Nos conscientiae vox urget, intimos animi Nostri sensus, queis palam et aperte hunc praesentem rerum statum detestamur ac reprobamus. Nos enim qui licet indigni et immerentes vicaria Christi Domini in terris potestate fungimur, et qui Pastor sumus in universa domo Israel, nunc libertate illa carere reipsa experimur, quae ad regendam Ecclesiam Dei, eius- que rationes curandas omnino Nobis necessaria est, atque hanc protestationem a Nobis emittendam esse ex officii Nostri debito sentimus, eam publicis etiam consignare litteris in animo haben- tes, ut universo catholico orbi veluti par est, innotescat. Nec vero cum ereptam ademptamque Nobis huiusmodi libertatem te- stamur, illud potest ab adversarius Nostris reponi, huiusmodi que- relam et declarationem fundamento carere: nemo enim est sanae mentis quin videat et fateatur, quod erepta Nobis suprema illa ac libera potestate, qua in publici cursus usu proindeque in pu- blico epistolarum commercio civilis Nostri Principatus iure frue-

(1) Ueg. 2 , 6. - (2) Tob . 13, 2.