404 Acta Apostolicæ Sedis - Commentarium Officiale

Sororum Conceptionistarum Beatae Beatricis da Silva pro pauperibus mi-

nistrandis seu vulgo «ao serviço dos Pobres».

Fundatrici autem aerumnae ac dissentiones usque ad novi Instituti iu-

ridicam recognitionem nullomodo defuerunt. Cum novis vocationibus ad

vitam religiosam informandis censeretur impar, opus suum in oboedientia

et humilitate perseveravit. Die 20 mensis Decembris anno 1955, novum

Institutum canonice approbatus est ac Serva Dei vota perpetua demum

profiteri valuit, Mariae Isabellae a Sanctissima Trinitate sumpto nomine.

Inde ab anno 1961, valetudo autem eius ingravescere cepit, nec vero per

haec salutis tormenta Serva Dei pacem animi nec fiduciam Dei umquam

amisit. Die 3 mensis Iulii anno 1962, Ulyssipone in Conventum Albae tran-

svecta, pie in Domino quievit.

Mulier humilis et simplex, Mater Maria Isabella gratiam Dei in uno-

quoque parvo vitae actu percipere valuit. Praecox quam subierat viduitas

numquam vero eius fidem mutavit, nec eam adduxit, ut de divinis salutari-

bus propositis dubitaret, quin potius ad fecundam spiritualem maternitatem

paravit. Omnibus in egregiis, quae pro pauperibus inivit, facinoribus semper

erga Ecclesiae auctoritatem officia obedienter servavit, confisa se a divina

Providentia adeo educi, ut novam illam familiam religiosam institueret.

Spiritualitatis eius culmen amor fuit Sanctissimae Trinitatis, quem et-

enim nomen ipsum religiosum perspicue dilucidat. Ex hoc divino fonte Ser-

va Dei universalem, fraternam simul et maternam hausit caritatem, quam

demissam, laetam, sinceram ac veritati promptam in pauperes praesertim

effundebat. Misericordiam Dei bonorum omnium censuit originem, vim fi-

delis perseverantiae, firmae spei suae fundamentum.

Locuples genere paupertatem summopere dilexit, qua uti dono, non

autem obice usa est. Paupertatem tamquam commune testimonium Sancti

Francisci elegit spiritum, in quem Institutum flecti quaesiit. Proinde, die 5

mensis Martii anno 1940 Tertii Ordinis Sancti Francisci Assisiensis Regulam

profiteri voluit. Piam coluit erga Matrem Dei Immaculatam Virginem devo-

tionem et Congregationem ipsam fundavit, ut vestigia sequeretur Mariae,

quae de Bethlehem ad Calvarium Filio adstitit, et eiusdem iuxta exemplum

humilis servitii morem susciperet.

Ob amplam eius sanctitatis famam Causa beatifìcationis et canonizatio-

nis apud Curiam Archiepiscopalem Eborensem inita est per celebrationem