62 LITTERAE SSMT PATRIS

bamur, et cum fidere non possimus Gubernio ipsi quod eam sibi potestatem arrogavit, necessaria expeditaque via ac libera facul- tate prorsus destituamur negotia agendi, quae Iesu Christi Vica- rius et communis Fidelium Pater ad quem Filii ex omni wbe confugiunt, omnino pertractare ac expedire debet. Quae sane ob- servatio recenti etiam facto luculentius confirmatur, quod supe- rioribus diebus accidit, quibus scilicet ii qui e Vaticani Nostri domicilii limine egrediebantur, perquisitioni subiecti fuere, explo- rantibus novi Gubernii militibus, si quae illi sub vestimentis oc- culerent. Contra huiusmodi rem reclamatum est eique reclama- tioni erroris obtentu et excusatione responsum. At quis nesciat quam facili negotio huiusmodi alluci nationes iterari ac aliae ex aliis suboriri possint?

» Gravissimum praeterea malum in hac alma urbe institutionis publicae rationi impendet: non enim longe est ut in Lyceo ma- gno Urbis annuus disciplinarum cursus instauretur, atque ille lo- cus qui, maxima licet fere mille ac ducentorum iuvenum frequen- tia celebratus, hactenus tranquillitatis ac ordinis exemplo fuit, unicurnque perfugium tot christianis honestisque parentibus, quo filios suos audiendos absque hauriendae corruptionis periculo mitteient, ille quidem sive ob falsas erroneasque quae tradentur doctrinas, sive ob eorum ingenium qui ad eas tradendas eligentur, in eam conditionem prolapsurus esse intelligitur, quae a veteri longe discrepabit. Significatum porro fuit vigentes in Urbe leges, eas ipsas occupata urbe integras inviolatasque permansuras, et tamen, hisce declarationibus irritis, tabularía ipsa Paroeciarum Urbis per vim excutiuntur et' indagantur; nec obscurum est id fieri ad illas cognitiones petendas, quae tabulis fortasse milita- rium conscriptionum conficiendis inserviant, atque aliis finibus, qui facile perspici possunt. Hisce accedit, quod insectationes et iniuriae ab ultionis cupiditate et partium studio profectae im- punitae relinquantur, eademque impunitas servata est quoad foe- das et indignas contumelias, quibus fideles Nostrorum militum cohortes de societate ac religione optime meritae, honestis viris dolentibus, fuerunt affectae. Ordinationes demum et decreta nu- per edita quoad Ecclesiae bona, quo spectent usurpatorum con- silia, iam satis aperte declararunt. Iamvero contra haec omnia, quae iam gesta sunt, ac ea etiam quae deteriora imminent, su-