Congregatio de Causis Sanctorum 375

servavit vota oboedientiae, paupertatis et castitatis. In omnibus Dei volun-

tati adhaesit et quamcumque peccati formam abhorruit. Cum Domino com-

munionem excoluit per pastoralem actuositatem ac fervidam celebrationem

eucharisticam, per Liturgiam Horarum ac constantem precationem, per cul-

tum erga Eucharistiam, Passionem Iesu, Virginem Mariam et Sanctum Vin-

centium de Paul. Aeternam vitam iugiter cupiens, serenitate paceque ad

extremum se paravit occursum Domini, qui inopinato ad Se vocavit eum,

dum apud lectum precabatur, die 14 mensis Octobris anno 1937.

Sanctitatis fama, qua Servus Dei vivens fruebatur, post obitum quoque

propagari perrexit, qua de re Archiepiscopus Neapolitanus Causam incepit

beatificationis et canonizationis, instruens Processum Ordinarium Informa-

tivum, annis 1957-1960, cui accesit Processus Rogatorialis Archidioecesis

Lyciensis, annis 1958-1960. Iuridicam horum Processuum auctoritatem ap-

probavit haec Congregatio per decretum editum die 5 mensis Iulii anno 1985.

Exarata Positione, disceptatio facta est de virtutibus heroico in gradu a Dei

Servo exercitis. Die 14 mensis Iunii anno 2005, Congressus Peculiaris habitus

est Consultorum Theologorum, cum exitu positivo. Patres Cardinales et Epi-

scopi in Sessione Ordinaria congregati die 3 mensis Octobris huius anni 2006,

Ponente Causae Exc.mo D.no Francisco Croci, Episcopo titulo Potentino in

Piceno, agnoverunt Servum Dei virtutes theologales, cardinales eisque adne-

xas heroum in modum excoluisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Temperantia

et Fortitudine, iisque adnexis, in gradu heroico, Servi Dei Salvatoris Micalizzi,

Sacerdotis e Congregatione Missionis, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 16 mensis Decembris A. D. 2006.

Iosephus card. Saraiva Martins

Praefectus

L. e S. e Eduardus Nowak

archiep. tit. Lunensis, a Secretis