Acta Apostolicae Sedis - Commentarium Officiale376

CORDUBENSIS IN ARGENTINA

Beatificationis et canonizationis Servi Dei Mamerti Esquiú ex Ordine Fratrum

Minorum Episcopi Cordubensis in Argentina (1826-1883)

DECRETUM SUPER VIRTUTIBUS

« Intra historiam adsunt sancti veri lucis portatores, quandoquidem viri

ac feminae fidei sunt, spei et caritatis » (Benedictus XVI, Litt. Encycl. Deus

caritas est, 40).

Erga Deum et populum amore ductus, episcopus Mamertus Esquiú ac-

tuosas habuit partes tam in vita Ecclesiae quam apud incolas nationis Ar-

gentinae, quippe qui animabus et institutionibus patriae suae lumen Evan-

gelii et caritatis Christi, unius Redemptoris hominis, tulerit.

Hic fervens Regni Dei aedificator in oppido vulgo Piedra Blanca, ex dioe-

cesi Catamarcensi, in Argentina, die 11 mensis Maii anno 1826 natus est e

familia religiosis moribus bene instructa, quae docuit eum Domini vias per-

currere et Sanctum Franciscum Assisiensem vestigiis sequi. Decem annos

natus, qua alumnus ingressus est conventum franciscalem Catamarcae. Anno

1842 apud Ordinem Fratrum Minorum religiosa vota nuncupavit, et anno

1848 sacro presbyteratus ordine est insignitus. In theologicarum disciplina-

rum magisterium, in praedicationem nec non in ministerium confessionum

spiritualisque moderaminis vires impendit. Egregias ob dotes in arte oratoria,

viginti septem aetatis annos agens, in scaenam vitae politicae pro iuveni

republica Argentina evectus est, suscipiens, etsi invitus, varia politica munia,

quae tamen minime impediverunt eum quominus actuositatem pergeret sibi

a superioribus concreditam.

Consilio perfectiorem franciscanam vitae formam amplectendi compulsus,

Catamarcam reliquit ac se contulit in Paranam, postea in Boliviam, ad urbes

prius Tarija, deinde Sucrepolim, ubi amplam explicavit operam culturalem:

condidit enim et moderatus est ephemeridem cui titulus « El Cruzado »; bi-

bliothecam ditavit domus quo hospitio excipiebatur; apud archidioecesim

Sucrensem examinator exstitit prosynodalis et praeceptor seminarii metro-

politani; vigorem addidit Confraternitati Sanctissimi Sacramenti et Imma-

culati Cordis Mariae. Anno 1872 nominationem renuntiavit archiepiscopi