66 LITTERAE APOSTOLICAE.

modis impediamur, cumque probe intelligamus minime ipsis Va- ticani Concilii Patribus in hac alma urbe, praedicto rerum statu manente , necessariam libertatem, securitatem, tranquillitatem suppetere et constare posse ad res Ecclesiae Nobiscum rite pertra- ctandas; cumque praeterea necessitates fidelium, in tantis iisque notissimis Europae calamitatibus et motibus, tot Pastores a suis Ecclesiis abesse haud patiantur; idcirco Nos, eo res adductas ma- gno cum animi Nostri moerore perspicientes, ut Vaticanum Con- cilium tali in tempore cursum suum omnino tenere non possit, praevia matura deliberatione, motu proprio, eiusdem Vaticani oe- cumenici Concilii celebrationem usque ad aliud opportunius et commodius -tempus per hanc Sanctam Sedem declarandum, Apo- stolica Auctoritate tenore praesentium suspendimus, et suspensam esse nunciamus, Deum adprecantes auctorem et vindicem Eccle- siae suae, ut submotis tandem impedimentis omnibus, sponsae suae fidelissimae ocius restituat libertatem ac pacem.

» Quoniam vero, quo pluribus et gravioribus periculis malisque vexatur Ecclesia, eo magis instandum est obsecrationibus et ora- tionibus nocte ac die apud Deum et Patrem Domini Nostri Iesu Christi, Patrem misericordiarum et Deum totius consolationis, volumus ac mandamus, ut ea quae in Apostolicis Litteris die i 1 Aprilis anno proxime superiori datis, quibus indulgentiam plena- riam in forma Iubilaei occasione oecumenici Concilii omnibus Chri- stifidelibus concessimus, a Nobis disposita ac statuta sunt, iuxta modum et rationem iisdem litteris praescriptam in sua vi, firmi- tate et vigore permaneant, perinde ac si ipsius Concilii celebra- tio procederet. Haec statuimus, nunciamus, volumus, mandamus, contrariis non obstantibus quibuscumque; irritum et inane de- cernentes si secus super his a quoquam quavis auctoritate scien- ter vel ignoranter contigerit attentari.

» Nulli ergo omnino hominum liceat hanc paginam Nostrorum suspensionis nunciationis voluntatis mandati ac decreti infrin- gere vel ei ausu temerario contraire; si quis autem hoc atten- tare praesumpserit, indignationem Omnipotentis Dei èt Beato- rum Petri ac Pauli Apostolorum Eius se noverit incursurum. Ut autem eaedem praesentes litterae omnibus quorum interest in- notescant, volumus illas seu earum exempla ad valvas Ecclesiae Lateranensis et Basilicae Apostolorum nec non S. Mariae Maioris