Acta Apostolicae Sedis - Commentarium Officiale382

24 mensis Maii anno 1878, nata est. Infantili paralysi correpta, laevi pedis

usu destituta est. Anno 1896 Secundum Ordinem S. Francisci postulans in-

gressa est in Burdigalense Claralium virginum monasterium «Ave Maria »

nuncupatum, ibique ipsa virtutum, quibus praedita erat, excellentiam in

infirmitate ostendit. Sacra votorum professione « in articulo mortis » emissa,

pie in Domino requievit die 30 mensis Maii anno 1897.

Praeclaram hanc Dei Famulam Pius XII Pontifex Maximus theologales

et cardinales iisque adnexas virtutes heroicum in gradum exercuisse declara-

vit die 22 mensis Ianuarii anno 1957.

Eius autem beatificationem prospiciens, Postulatio Causae sanationem,

quae divinitus, ipsa Dei Famula deprecante, patrata ferebatur, huic Congre-

gationi de Causis Sanctorum subiecit iudicandam. Quod factum pertinet ad

Claudium Ary Martin decem annorum puerum, qui, die 7 mensis Martii anno

1945, magnis doloribus abdominalibus affectus est, vomitu febrique, quae

quidem subsequenti die aucta est, concurrentibus. Quamvis vero diagnosis

edita esset de colicae appendicis inflammatione, chirurgica sectio in aliud

tempus dilata est, quippe timentibus medicis ne pituita, qua puer laborabat,

ipsos pulmones ingravescens afficere posset. Nihilominus die 12 mensis Mar-

tii, cum dolores acriores repente facti essent, aegrotus excisorio experimento,

nulla interposita mora, subiectus est. Tum vero purulenta peritonites ubique

diffusa, e colica appendice perforata, quae tamen asportata non est, exoriens,

in lucem prolata est. Peritonaeo salutari infusione abluto purgatio apposita

est, penicillino medicamento, quod tamen iam tum suppeditabatur, minime

adhibito.

Interea status clinicus, febri una cum intestinorum subocclusione manen-

te, gravis erat; ceterum abdominalis pathologia absque antibiotica therapia

melioris valetudinis prospectui minus favebat. Die itaque 25 mensis Martii

excisorio experimento altero opus fuit, utpote cum in regione caeco-parietali,

in qua nova purulentiae sedes exarserat, stercorea fistula increvisset. Tunc

vero, morbi gravitatis intuitu, prognosis facta est infausta, ita ut puer piissi-

mus ante chirurgicam sectionem alteram Infirmorum Unctione illineretur.

Subsequentibus diebus aegrotantis condiciones ultra ingravescebant: medio

autem mense Aprili fistulae duae insuper increverunt. Claudius Ary nullis

prorsus cibis alebatur; praeterea, inferioribus artubus turgescentibus, ulceri-

busque decubitalibus exorientibus, status cachecticus inceperat, adversus

quem unum morphinum therapiae causa, nempe ad cruciatus mitigandos,