Congregatio de Causis Sanctorum 383

adhiberi potuerat. Attenta igitur artis infirmitate, fideles ad opem divinam

confugerunt. Nam, auctore P. Aloisio Thiébaux, abbate Belliaquensi, qui in

eodem valetudinario degebat, invocata est intercessio Servae Dei Mariae

Caelinae a Praesentatione, cuius reliquiae aegrotanti impositae sunt die 21

mensis Maii anno 1945. Precationibus itaque ab ipso abbate et a puero una

cum suis aliisque peractis, die 23 mensis Maii, praeter medicorum opinionem,

aegroti valetudo in melius prorsus vergere visa est: nam fluens e purgatione

eiectamentum regredi, fistulae ipsae ad coëundum proclives esse, decoctionis

organorum motus de integro recreari. Die autem 24 mensis Maii puer cibum

sumere valuit, dieque 15 mensis Iunii anno 1945, sanitate iam recepta, e

valetudinario dimissus est.

Quo de casu, statim Dei Famulae intercessioni adscripto, anno 1946 in

Catalaunensi Curia Processus Apostolicus confectus est, cuius validitatem

iuridicam Dicasterium hoc ratam habuit per decretum die 20 mensis Februa-

rii anno 2004 latum. Consilium vero Medicorum, in sessione die 27 mensis

Ianuarii anno 2005 gesta, pronuntiavit sanationem celerem, perfectam, sta-

bilem nec ullis prorsus reliquatis obnoxiam fuisse; praeterea rationem, qua

anatomica et functionalis pathologiae restitutio facta est, nullatenus, quod

ad artem attinet, explicari posse. Inde post Peculiarem Consultorum Theo-

logorum Congressum die 24 mensis Ianuarii anno 2006 habitum, Cardinalium

Patrum ac Episcoporum, Exc.mo D.no Laurentio Chiarinelli, Viterbiensi

Episcopo, Causae Ponente, die 14 mensis Novembris eiusdem anni Sessio

Ordinaria facta est.

Et in utroque Coetu, sive Consultorum sive Cardinalium et Episcoporum,

posito dubio an de miraculo divinitus patrato constaret, responsum affirma-

tivum prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Ven.

Servae Dei Mariae Caelinae a Praesentatione (in saec.: Ioannae Germanae Cas-

tang), Monialis Professae II Ordinis Sancti Francisci, videlicet de celeri, per-

fecta ac stabili sanatione pueri Claudii Ary Martin ab « appendicite acuta gan-

grenosa perforata, con conseguente peritonite purulenta, prima circoscritta e poi

diffusa, con crisi subocclusive e formazione di tre fistole entero-cutanee, con grave