Acta Apostolicae Sedis - Commentarium Officiale384

compromissione dello stato generale del bambino (di anni 10) per insufficienza

multiorgano ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 16 mensis Decembris A. D. 2006.

Iosephus card. Saraiva Martins

Praefectus

L. e S. e Eduardus Nowak

archiep. tit. Lunensis, a Secretis

SANCTI PAULI IN BRASILIA

Canonizationis Beati Antonii a Sancta Anna (in saec.: Antonii Galvão de França)

Sacerdotis professi Ordinis Fratrum Minorum Alcantarinorum (seu Discalceato-

rum) Fundatoris Monasterii Sororum Conceptionistarum (1739-1822).

DECRETUM SUPER MIRACULO

Beatus Antonius a Sancta Anna (in saec.: Antonius Galvão de França) in

loco Paulinae, quem appellant Guaratinguetá, in Brasilia, natus est anno

1739. Ordinem Fratrum Minorum Alcantarinorum (seu Discalceatorum) in-

gressus, anno 1761 religiosa vota nuncupavit, subsequenti anno sacrum pre-

sbyteralem ordinem suscepit. Varia ipse in Ordinis gremio munera obivit, in

quibus etiam sui conventus aedituus fuit. Regni Dei studiosissimus, alacriter

ac fecunde in actuosam pacis caritatisque operam Paulopoli incubuit. Idem

praeterea condidit Monasterium Sororum Conceptionistarum, quibus etiam

vitae magister fuit. Pie requievit die 23 mensis Decembris anno 1822.

Eum Ioannes Paulus II, Summus Pontifex, Beatorum caelitum honoribus

insignivit die 25 mensis Octobris anno 1998.

Eius vero canonizationi prospiciens, Postulatio Causae sanationem, quae

ipso Beato deprecante a Deo patrata ferebatur, huic Congregationi subiecit

iudicandam. Qui quidem casus pertinet ad Alexandram Grossi de Almeida

mulierem ac Entium de Almeida Gallafassi puerum eius, Brasiliae incolas.

Dicta mulier spontaneos abortus annis 1993 et 1994 passa est, cum uterus