Congregatio de Causis Sanctorum 385

eius bicornis seu didelphus esset. Nam prae huiuscemodi uteri deformitate,

quae chirurgica dumtaxat medicina corrigi potuerat, nulla prorsus graviditas

ad exitum perduci poterat, quippe quia fetus haud satis spatii ad crescendum

et innascendum haberet. Haec quidem erat mulieris condicio, cum ipsa, men-

se Maio anno 1999, aliam graviditatem suscepit. Echographia autem, quae

mense Iunio facta est, duo cornua utero increvisse denuntiavit. Graviditas

vero in dextera uteri caverna, quae paulo maior laeva, procedebat. Subse-

quenti autem mense Augusto, obstetriciae gynaecologiae perita doctrix, quae

Alexandram mulierem curabat, tertio ei graviditatis mense vertente, prae-

cautionis causa uteri cervicem circulo cinxit, scilicet ad adversum praegna-

tionis exitum vitandum. Graviditas enim pluribus de causis periculosissima

fore iudicabatur. Graviditatis cursus usque ad tricesimam alteram hebdoma-

dam recte processit, licet prognosis de praecoci interruptione edita esset.

Membranis autem immature abscissis atque oligohydramnio medici, praesen-

tibus fetalis laboris indiciis, impulsi sunt ad sectionem caesaream exsequen-

dam. Quae quidem facta est die 11 mensis Decembris, statu puerperae, quae

erumpente sanguine mori potuerat, minime ingravescente. Puer vero sanus

editus est. Spiratoriae difficultates et morbus, quarta iam phasi hyalinas

membranas afficiens, celeriter sanata sunt, ita ut infans e valetudinario, in

quo natus erat, die 19 mensis Decembris dimitti posset.

Universae huius rei favorabilis exitus adscriptus est intercessioni Beati

Antonii a Sancta Anna, quem inde a mense Iunio exeunte anno 1999 Alexan-

dra mulier ipsa variis novendialibus supplicationibus invocaverat.

Quo de casu apud Curiam Sancti Pauli in Brasilia anno 2004 Inquisitio

dioecesana est instructa cuius validitatem iuridicam Dicasterium hoc confir-

mavit per decretum die 26 mensis Novembris, eodem anno, latum. Consilium

vero Medicorum, in sessione die 18 mensis Ianuarii anno 2006 facta, necnon

in iis, quae postea explicata sunt, has, quae sequuntur, decretorias definitio-

nes edidit: «Diagnosis posita est de innata uteri deformatione III-IV classis ex

descriptione ab Americana Societate de Fertilitate (AFS) facta, eaque chi-

rurgica medicina haud correcta, in aegrota sese plures spontaneos abortus

perpessam exhibenti, favorabili quidem cum exitu praegnationis pro puerpe-

ra et fetu, magna fetus immaturitate contempta. Prognosis edita est adversa,

cum pro graviditate, quam periculosissimam fore iudicatum est, tum pro

vitalitate fetus immaturi, qui in ipso partu MCMXCV grammata pondo erat.

Therapia puerperae pathologiae minus apta, eadem vero gravi respiratoriae

pathologiae et immaturitati fetus apta evasit. Quod autem ad casus decur-